مۇنداي جيىننىڭ ءوتۋىنىڭ وزىندىك سەبەبى بار. سوڭعى كەزدە ينتەرنەت جەلىلەرى ارقىلى بالالاردىڭ ءوز وزىنە قول سالۋىن ماجبۇرلەيتىن سايتتار اشكەرە بولا باستادى. ونىڭ ۇستىنە ادام قانىن اعىزىپ, قاتاردان شىعارىپ تاستايتىن, بالا تەرىس اسەر ەتەتىن ويىندار قاپتادى. وسىنداي كەلەڭسىزدىكتەردىڭ الدىن الۋ ءۇشىن استاناداعى «كەلەشەك» پسيحيكالىق ورتالىعىنىڭ ماماندارى اقگۇل مولدابەكوۆا مەن سەرگەي سوۆەتكين اتا-انالارعا ينتەرنەتتىڭ تەرىس ىقپالىن, ويىندار مەن الەۋمەتتىك جەلىلەردىڭ كەرى اسەرىن ءتۇسىندىردى. بۇل رەتتە وبلىستىق ءبىلىم باسقپسيحولوگياسىنا ارماسىنىڭ باسشىسى بالىم ءىزباساروۆا تەحنولوگيانىڭ دامىعان عاسىرىندا بالانى تەرىس اقپاراتتاردان قورعاۋ قيىنداي تۇسكەنىنە نازار اۋداردى. بۇگىندە الەۋمەتتىك جەلىلەردە «سيني كيت», «تيحي دوم», «بەگي يلي ۋمري» سياقتى وزىنە قول جۇمساۋعا الىپ كەلەتىن زاڭسىز ويىندار قاپتاپ كەتكەن.
كۇش كورسەتۋ مەن ءوز-وزىنە قول سالۋعا الىپ كەلەتىن قاۋىپتى ويىندار الدىمەن رەسەيدە تارالىپ, ارتىنان قىرعىزستاندا جالعاسىن تاپتى. ال ءبىزدىڭ وڭىردە بەس بالانىڭ اتالعان ويىندارعا قاتىسقانى انىقتالدى. بالالاردىڭ ءوز-وزىنە قول سالۋىنىڭ الدىن الۋ ماقساتىندا اتا-انالاردى بالالارىنىڭ ءجۇرىس-تۇرىسىن قاداعالاۋعا شاقىرامىز. پروبلەمادان تەرىس اينالۋعا نەمەسە ەلەمەۋگە بولمايدى. سوندىقتان تبالالارىمىزعا كوڭىل بولەيىك», دەدى ب.ءىزباساروۆا.
ال پسيحولوگ اقگۇل مولدابەكوۆانىڭ ايتۋىنشا, ەگەر جەتكىنشەك ءوز ىسىنە بەرىلگەن بولسا جانە ونىڭ قىزىعۋشىلىعىن قولدايتىن دوستارى بار بولسا, وندا ول بالا ءوز الدىنا ماقساتتار مەن مىندەتتەر قويا الادى. الايدا الدىمەن اتا-انا بالالارىنا جاقسى ۇلگى كورسەتە ءبىلۋى ءتيىس. بۇل رەتتە ءبىلىم باسقارماسى وڭىردەگى اتا-انالار قاۋىمداستىعىن قاجەتتى اقپاراتپەن تولىق قامتۋدى كوزدەپ وتىر. وسى ىسپەتتى ءتۇسىندىرۋ شارالارى زەرەندى, جاقسى جانە تسەلينوگراد اۋداندارىندا دا وتكىزىلدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
