«تالابى جوعارى مامانداردىڭ ءبىرىمىن. كوماندامنىڭ جوعارى ناتيجە كورسەتكەنىن قالايمىن. يزميردە جۇرگەندە جۋرناليستەر مەنى ديكتاتور دەپ ەسەپتەيتىن. ەكىنشى, ءۇشىنشى ليگاداعى ۇجىمداردىڭ ورلەۋى ءۇشىن بارىمدى سالدىم. ال قازىر بۇلدىرشىندەرمەن جۇمىس ىستەپ ءجۇرمىن», – دەدى حيدير اكباش.
«فۋتبول دەسە بارىمدى بەرۋگە دايىنمىن. وسى سپورت ءتۇرىن مەڭگەرۋ ءۇشىن ءبىراز ەلدى ارالادىم. قازاقستانعا كەلۋىمنىڭ بىردەن ءبىر سەبەبى – فۋتبولدى دامىتۋ. دەڭگەيى تومەن كلۋبتاردى العا قاراي جەتەلەگىم كەلەدى. ونىڭ ۇستىنە جارىم دا وسى ەلدىڭ ازاماتشاسى», – دەدى ول.
قازاقستانعا باعىن سىناپ كەلگەن لەگيونەر فۋتبولشىلاردىڭ از بولماعانى بەلگىلى. ولاردىڭ قاتارىندا باپكەرلەر دە جوق ەمەس. وكىنىشكە وراي, قاجەتتى ناتيجەگە جەتە الماي كەتكەندەرى كوپ. ال حيدير اكباشتىڭ قازاق فۋتبولىن دامىتۋعا قانشالىقتى كومەگى تيە قويار ەكەن؟
«بۇل جەردە مەنتاليتەتتى دە ەسكەرۋ كەرەك دەگەن ويدامىن. ۇلتىم – تۇرىك, ەۋروپانىڭ بىرنەشە ەلىندە تۇردىم. ال قازاقستانعا كوبىنە نەمىس, گوللاند جاتتىقتىرۋشىلارى كەلگەن. بالكىم, وسىدان بارىپ تۇسىنىسپەۋشىلىك بولعان شىعار. ال ماعان قازاق حالقىنىڭ ورنى بولەك. سونداي-اق, مەنىڭ تاجىريبەم دە كوپ. الەمدەگى ەڭ مىقتى مەكتەپتى ءبىتىرىپ, بەلگىلى باپكەرلەرمەن جۇمىس ىستەدىم», – دەدى حيدير اكباش.
«وسىعان دەيىن قازاقستانداعى ورتاشا دەڭگەيلى كوماندالاردىڭ ءبىرىن جاتتىقتىرۋ تۋرالى ۇسىنىس تۇسكەن. بىراق ول كەزدە «ديارباكىردىڭ» باپكەرى ەدىم. سوندىقتان باس تارتۋىما تۋرا كەلدى. ال قازىر قانداي ۇسىنىس بولسا دا قاراستىرۋعا دايىنمىن. قازاق فۋتبولىن دامىتۋ ءۇشىن قولىمنان كەلگەندى ايانىپ قالماسپىن», – دەدى ول.
ەلىمىزگە كەلگەن شەتەلدىك ماماندار مەيلىنشە كوبىرەك جالاقى العانىن قالايدى. ال حيدير اكباشتىڭ جالاقىسى قانشا بولماق؟
«قازاقستاننىڭ كەز كەلگەن جەرىندە, قاي كوماندامەن بولسىن قىزمەت ەتۋگە دايىنمىن. ءتىپتى, ءبىرىنشى ليگانىڭ كلۋبتارى بولسا دا قارسى ەمەسپىن. ال قارجى ماسەلەسىنە كەلسەك, ونى ۇسىنىس جاسايتىن تاراپپەن جەكە وتىرىپ تالقىلاعىم كەلەدى», – دەدى.
