بايقاۋعا تۋريزم جانە قوناق ءۇي بيزنەسى فاكۋلتەتىنىڭ 100-گە جۋىق ستۋدەنتى قاتىستى. ءىس-شارانىڭ ماقساتى گوللاندتىق تۋروپەراتورلار اراسىندا قازاقستاننىڭ تۋريستىك الەۋەتىن اشىپ كورسەتۋ بولدى. بايقاۋ شەڭبەرىندە قازاقستان جايلى كوپتەگەن مالىمەتتەر كولدەنەڭ تارتىلىپ, جوعارى دەڭگەيدە ەلىمىزدىڭ تۋريستىك الەۋەتىنىڭ تۇساۋكەسەرى ۇيىمداستىرىلدى جانە قازاقستاندىق تۋريزم نارىعىنىڭ جاعدايى مەن دامۋ بولاشاعى تانىستىرىلدى.
«قازاقستانداعى ەكوتۋريزم» اتتى جوبانى ۇسىنعان كوماندا بايقاۋ جەڭىمپازى بولىپ تانىلدى. جوبادا نەگىزگى مادەني كورىكتى جەرلەر, ۇلى دالانىڭ تابيعي پەيزاجى مەن لاندشافتارىنىڭ الۋان ءتۇرلىلىگى, ەجەلگى تاريحي مۇرالارى مەن زاماناۋي ارحيتەكتۋرالارى بەينەلەنگەن.
ءىس-شارا كەزىندە ەكوتۋريزمدى دامىتۋ, قورشاعان ورتا مەن تابيعي رەسۋرستاردى قورعاۋ, سونداي-اق, استاناداعى ەكسپو-2017 حالىقارالىق مامانداندىرىلعان كورمەسىنىڭ تۇساۋكەسەرىنە دە ەرەكشە نازار اۋدارىلدى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
