اۋىلدىڭ العا باسۋىنا جول اشادى

«قازاقستاننىڭ ءۇشىنشى جاڭ­عىرۋى: جاھاندىق باسەكەگە قابى­لەتتىلىك» اتاۋىمەن 31 قاڭ­تار­دا ەلباسىنىڭ كەزەكتى جول­داۋى جاريالاندى. ءوزىم تاريح ءپانى مۇعالىمى بولعاندىقتان, جول­داۋ­دى بىردەن وقىپ, تانىسىپ شىق­تىم. اۋىلدا تۇرعاندىقتان, مەنى اۋىل بولاشاعى الاڭداتادى. جول­داۋدا ءبىرىنشى باسىمدىقتىڭ ءتور­تىن­شى سالاسى اگرارلىق سەكتور ەكو­نو­ميكانىڭ جاڭا درايۆەرىنە اينالۋى كەرەك دەلىنگەن. جولداۋدا «بەس جىل ىشىندە 500 مىڭنان استام جەكە ءۇي شارۋاشىلىقتارى مەن شاعىن فەرمەرلەردى كووپەراتيۆتەرگە تارتۋعا مۇمكىندىك بەرە­تىن جاعداي جاساۋ كەرەك», دەپ جازىلعان. ەلباسىنىڭ اۋىل ونىمىنە ۇلكەن قولداۋ كورسەتۋى مەنى دە قاتتى قۋانتتى. مەن دە وقۋشىلارىما اۋىلشارۋاشىلىق ءونىمىن وندىرۋمەن شۇعىلدانۋدىڭ تيىمدىلىگىن ايتىپ وتىرامىن. ءاربىر جەكە ءۇي شارۋاشىلىقتارى زاما­ناۋي تەحنيكامەن جابدىق­تالىپ, مال ءوسىرۋ, قۇس اسىراۋ, باۋ-باقشا وسىرۋمەن كاسىبي تۇردە شۇعىلدانسا, ساپالى دا مول ءونىم الارى انىق. ءارى جولداۋدا بۇدان بىلاي ءوز كاسىبىن اشۋ ءۇشىن قالادا دا, اۋىلدا دا 16 ميلليون تەڭگەگە دەيىن شاعىن نەسيە بەرى­لەدى دەلىنگەن. اۋىلدا جەكە ءۇي شارۋا­شىلىعىمەن اينا­لىس­سا, ءارى اۋقاتتى, ءارى ءوز ءىسىنىڭ قوجا­­يى­نى بولاتىنىن جاستارعا ءتۇسىن­دىرۋمەن كەلەمىن. ەلباسىنىڭ جولداۋىندا ءتور­تىنشى باسىمدىق ادامي كاپيتال ساپاسىن جاقسارتۋ دەي كەلە, قالا مەن اۋىل مەكتەپتەرى اراسىن­داعى ءبىلىم بەرۋ ساپاسى­نىڭ الشاقتىعىن ازايتۋ كەرەك ەكەندىگى ايتىلعان. سونداي-اق, 2019 جىلدان باستاپ قازاق ءتىلى­نىڭ باسىمدىعىن ساقتاي وتىرا, كەي­بىر پاندەر اعىلشىن تىلىندە وقىتىلادى دەلىنگەن. مەن دە بۇل قادامدى قۇپتايمىن. ءۇش ءتىلدى قاتار مەڭگەرۋ ماسەلەسى ءبىراز جىلدان بەرى ايتىلىپ كەلەدى. سوزدەن ىسكە كوشەتىن ۋاقىت جەتتى. بۇل – زامان تالابى. ءبىزدىڭ مەكتەپتىڭ مۇعالىمدەرى دە بىلىكتىلىكتى ارتتىرۋ كۋرستارىنا بارىپ, بىلىمدەرىن ۇنەمى جەتىلدىرىپ وتىرادى. سوڭعى ۋاقىتتا ادامداردىڭ جاپپاي قالاعا كوشۋى توقتالىپ, جەكە قوجالىقتار كوبەيىپ, مال, قۇس ۇستاپ, ەگىن ەگۋمەن اينالىسا­تىن شارۋاشىلىقتاردىڭ سانى ار­تىپ كەلەدى. دەگەنمەن, اۋىلىمىز­دا ءالى دە تىندىرار شارۋا جە­تەر­لىك. سونىڭ ءبىرى اۋىلدىڭ ما­ڭىن­داعى اعىپ جاتقان وزەننىڭ بوگە­تى بۇ­زى­لىپ قالىپ, سۋى تار­تى­لىپ قال­دى. بۇرىن اۋىل تۇرعىن­دارى جا­عا­سىنا باۋ-باقشا ەگىپ, مال سۋا­رىپ, بالىق اۋلاپ, جازدا ىس­تىق­تا سۋعا ءتۇسىپ دەمالا­تىن ەدى. سول بوگەت قالپىنا كەل­تىرىل­مە­ي, اۋىلدىڭ ءسانى كەتىپ تۇر. كوگىل­­دىر وتىن جۇرگىزىلسە, جاس­تار اۋىلعا تۇراقتاپ, كاسىپ­تىڭ نە­­بىر تۇرلەرىن اشىپ, جاڭا­دان تۇر­­عىن ءۇي­لەر سالىنار ەدى. ءايت­پەسە, تۇر­عىن­دار­دىڭ كوپش­ى­لىگى ءاب­دەن توزىعى جەت­كەن ەسكى ءۇي­لەر­دە تۇرىپ جاتىر. مىنە, وسىن­داي ءما­سە­لەلەر شەشۋىن تاپسا, ەل­باسى­نىڭ جول­داۋىن­دا ايتىل­عان­داي, ال­داعى ۋاقىتتا 30 ەلدىڭ قاتا­رى­نا قوسىلىپ, جا­ڭار­تىلعان مەك­تەبى­مىز تالاي شاكىرت­تەردى وقىتىپ, تاربيەلەپ, ەلىمىز­دىڭ گۇلدەنۋىنە ءوز ۇلەسىن قوسا بەرەر ەدى. گۇلميرا ايانعاليەۆا باتىس قازاقستان وبلىسى, تەرەكتى اۋدانى, پريرەچنىي اۋىلى