ەل تاريحىنداعى ەرەكشە وقيعا

قازاقستان حالقى اسسامبلەياسىنىڭ كونستيتۋتسيالىق رەفورمانى قولداۋ بويىنشا رەسپۋبليكالىق بىرىڭعاي كۇنى اياسىندا تاراز قالاسىنداعى دوستىق ۇيىندە «ازامات­تىق قوعام ينس­تيتۋتتارى وتىرىسى» تاقىرىبىندا كونفەرەنتسيا ءوتتى. وعان وبلىستىق قحا قۇرىلىم­دارىنىڭ توراعالارى مەن مۇشەلەرى, وبلىستىق ارداگەرلەر جانە قوعامدىق كەڭەستەردىڭ, اقپاراتتىق توپتاردىڭ مۇشەلەرى, سونداي-اق جەر­گىلىكتى ءماسليحات دەپۋتاتتارى, ساياسي پار­تيالار, قوعامدىق بىرلەستىكتەر مەن بۇقا­رالىق اقپارات قۇرالدارىنىڭ وكىلدەرى قاتىستى. كونفەرەنتسيا بارىسىندا وبلىستىق قازاقستان حالقى اسسامبلەياسى توراعا­سى­نىڭ ورىنباسارى – حاتشىلىق مەڭگەرۋشىسى مارجان قوجاەۆا ەلباسى ۇندەۋىندەگى كونس­تيتۋتسيالىق رەفورمانى تالقىلاۋ قورى­تىندىلارىن شىعارۋعا ارنالعان جيىننىڭ ماڭىزدىلىعىنا توقتالدى. ءوز سوزىندە حاتشىلىق مەڭگەرۋشىسى ۇندەۋ اياسىندا مۇمكىندىكتەردىڭ دە كەڭەيگەنىن اتاپ ءوتتى. سونىمەن قاتار, «جاڭارۋ» سىبايلاس جەمقورلىققا قارسى جالپىۇلتتىق قوز­عالىسى» رقب وبلىستىق فيليالىنىڭ ءتورا­عاسى قاسىمحان تولەنديەۆ, وبلىس­تىق قازاقستان حالقى اسسامبلەياسى جانىن­داعى عىلىمي-ساراپتامالىق توپ مۇشەسى, م.ح.دۋ­لاتي اتىنداعى تاراز مەملەكەتتىك ۋني­ۆەر­سيتەتى حالىق­ارالىق جانە كونستيتۋتسيالىق قۇقىق كافەدراسىنىڭ اعا وقىتۋشىسى اسقار قادىرقۇلوۆ, وبلىستىق ارداگەر­لەر كەڭەسىنىڭ حاتشىسى جاڭاباي ميل­ليونوۆ جانە وبلىستىق ءماسليحات دەپۋتاتى, «بىرلىك» دەپۋتاتتىق توبىنىڭ جەتەكشىسى اباي نۇرجانوۆ ءسوز الىپ, كونستيتۋتسيالىق رەفورما مەملەكەتتى ەل دامۋىنىڭ جاڭا كەزەڭىنە باستايتىنىن, سونداي-اق زامان تالابىنا بەرىلگەن لايىقتى جاۋاپ ەكەنىن ايتتى. جىل باسىندا جاريالانعان ەل­باسىنىڭ ۇندەۋى مەن جولداۋى – ءبىرىن-ءبىرى كۇشەيتىپ, تولىقتىرىپ تۇرعان ماڭىز­دى قۇجاتتار. كونفەرەنتسيا جۇمى­سىنا قاتىسۋشىلارعا ساياسي جانە تەحنولوگيالىق جاڭعىرۋدىڭ ماقساتى جان-جاقتى ءتۇسىندىرىلىپ, پارلامەنت پەن ۇكىمەتتىڭ وكىلەتتىكتەرىن كەڭەيتۋ مەملەكەتتىڭ ءۇشىنشى جاڭعىرۋىندا اتاپ كورسەتىلگەن ماقساتتار مەن مىندەتتەرگە كەدەرگىسىز قول جەتكىزۋگە بولاتىنى ايتىلدى. ەلباسى نۇرسۇلتان نازارباەۆ جۋىر­دا وتكەن پارلامەنت پالاتالارى­نىڭ بىرلەسكەن وتىرىسىندا: «مەنىڭ جار­لىعىممەن ازىرلەنگەن كونستيتۋتسيالىق رەفورما جوباسى ءبىر اي بويى وتكەن بۇكىلحالىقتىق قىزۋ تالقىلاۋعا سالىندى. ءار ادام ۇسىنىس بەرۋ قۇقىعىنا يە بولدى. ءبارىمىز زاڭ جوباسىن جاپپاي تالقىلاپ قانا قويماي, ونىڭ ساپالى بولعانىن كورىپ وتىردىق», دەگەن بولاتىن. راسىندا دا, حالىقتىڭ قىزۋ قولداۋىنا يە بولعان بۇل ماڭىزدى قۇجات ەل تاريحىندا التىن ارىپپەن جازىلاتىن ايتۋلى وقيعا رەتىندە قالىپتاستى. كونفەرەنتسيا جۇمىسىن قورى­تىن­دىلاعان مارجان تورەعۇلقىزى ەل تاري­حىنداعى ەلەۋلى وقيعاعا ءۇن قوسقان جام­بىلدىق ازاماتتىق قوعام ينستيتۋتتارىنا العىس ءبىلدىردى. حاميت ەسامان, «ەگەمەن قازاقستان» جامبىل وبلىسى