ۇكىمەتتىڭ جاۋاپكەرشىلىگى ارتادى

وتكەن جۇمادا مەملەكەت باسشىسى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭعا جاريالى تۇردە قول قويعان بولاتىن. وسىعان بايلانىستى كەشە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ حاتشىسى, سەنات دەپۋتاتى جابال ەرعاليەۆ اتا زاڭىمىزدىڭ 57-بابى 6-تارماقشاسىنا ەنگىزىلگەن تولىقتىرۋ جونىندە اڭگىمەلەپ بەردى. ەلىمىز تاۋەلسىزدىگىن جاريا­لاعان العاشقى كۇننەن باستاپ ءوزىنىڭ زايىرلى ءارى قۇقىقتىق دەموكراتيالىق مەملەكەت ەكەنىن دالەلدەپ كەلەدى. قازاقستاننىڭ دامۋ جولى الەمدىك ساياساتتا دا, الەمدىك ەكونوميكا سالاسىندا دا مويىندالعانى بەلگىلى. بۇل ورايدا اتا زاڭىمىزدىڭ ماڭىز­دى ءرول اتقارىپ كەلە جات­قانىن ەرەكشە اتاپ وتۋگە بولادى. دەپۋتات كونستيتۋتسيالىق رەفورما بارىسىندا, ياعني, قاڭتار ايىنىڭ 26-سى مەن اقپان ايىنىڭ 26-سى ارالىعىندا بۇكىلحالىقتىق تالقىلاۋ ءجۇر­گىزىلىپ, كەز كەلگەن قازاقستان­دىق­تاردىڭ, قوعامدىق ۇيىمدار مەن پارتيالاردىڭ ءوز پىكىر­لەرىن, ۇسىنىستارىن ايتۋعا تولىق مۇمكىندىك جاسالعانىن, پرەزيدەنت اكىمشىلىگىنىڭ باس­شىسى ادىلبەك جاقسىبەكوۆ باستاعان جۇمىس توبى وسى تۇسكەن پىكىرلەردىڭ ءبارىن جيناقتاپ, سارالاۋدان وتكىزگەنىن ەسكە سالدى. «كونستيتۋتسيانىڭ 57-با­بىنىڭ 6-تارماقشاسىنا ەن­گىزىلگەن تولىقتىرۋ جونىندە ايتىپ وتسەك, پارلامەنت پالا­­تا­­لارىنىڭ كەز كەلگەنى دەپۋتات­­تاردىڭ جالپى سانىنىڭ كەم دەگەندە ۇشتەن ءبىرىنىڭ باستا­ماسى بويىنشا ۇكىمەت مۇشە­لەرىنىڭ ءوز قىزمەتتەرى جايلى ەسەبىن تىڭداۋعا قۇقىلى. ەسەپتى تىڭداۋ بارىسىندا دەپۋتاتتاردىڭ ۇشتەن ەكىسى­نىڭ, ياعني, كوپشى­لىگىنىڭ باسىم داۋىسىمەن ەگەر ولار رەسپۋب­ليكانىڭ زاڭدى­لىق­تارىن ورىنداماعان جاعدايدا ۇكىمەت مۇشەلەرىن ورىندارىنان بوساتۋدى پرەزيدەنتتەن سۇراي الادى. مۇنداي جاعدايدا پرەزي­دەنت ۇكىمەت مۇشەلەرىن ورنىنان بوساتادى دەگەن وزگە­رىستەر ەنگىزىلدى, – دەدى پارلا­مەنت سەناتىنىڭ دەپۋتاتى. – ال, بۇرىن وسىنداي جاعدايدا پرە­­زي­دەنتتىڭ دەپۋتاتتاردىڭ مۇن­داي ۇسىنىسىن كەيىنگە شەگەرۋگە قۇقى بولاتىن. دەپۋ­تات­­تار بۇل ماسەلەنى تەك التى اي ۋاقىت وتكەننەن كەيىن عانا قايتا كوتەرۋگە قۇقىلى بولاتىن». دەپۋتات بۇل وزگەرىستەر پار­لامەنت وكىلەتتىگىن كۇشەيتۋگە جانە ۇكىمەتتىڭ پارلامەنت ال­دىنداعى جاۋاپكەرشىلىگىن ارتتىرۋعا باعىتتالعانىن اتاپ كورسەتتى. ايدار ورىسباەۆ, «ەگەمەن قازاقستان»