قازاقستان رەسپۋبليكاسى پرەزيدەنتىنىڭ جارلىعى

«قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار كەشەنى تۋرالى

«قازاقستان رەسپۋبليكاسىنىڭ كونس­تيتۋتسياسىنا وزگەرىستەر مەن تولىق­تىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا قاۋلى ەتەمىن: 1. بارلىق دەڭگەيدەگى ورتالىق ءجا­نە جەرگىلىكتى مەملەكەتتىك ورگاندار, جەر­گىلىكتى ءوزىن-ءوزى باسقارۋ ورگاندارى پار­لامەنتتىڭ, ۇكىمەتتىڭ جانە وزگە دە مەم­لەكەتتىك ورگانداردىڭ وكىلەتتىكتەرى مەن جاۋاپكەرشىلىگىنىڭ كولەمىن كەڭەيتۋ جاعدايىندا مەملەكەتتىك اپپاراتتىڭ ۇزدىكسىز جۇمىس ىستەۋىن قامتاماسىز ەتۋ بويىنشا بارلىق قاجەتتى شارالاردى قابىلداسىن. 2. قازاقستان رەسپۋبليكاسىنىڭ پار­لامەنتىنە «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىق­تىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسى زاڭىنىڭ (بۇدان ءارى – زاڭ) تالاپتارىنا سايكەس پارلامەنتتىڭ جانە ونىڭ پالاتالارىنىڭ قىزمەتىن قامتاماسىز ەتەتىن شارالاردى قابىلداۋ ۇسىنىلسىن. 3. قازاقستان رەسپۋبليكاسىنىڭ ۇكى­مەتى ورتالىق جانە جەرگىلىكتى اتقا­رۋشى ورگانداردىڭ وكىلەتتىكتەردىڭ قوسىم­شا كولەمىمەن جۇمىسقا فۋنكتسيو­نال­دىق دايىندىعىنا تالداۋ مەن باعا­لاۋدى جەدەل جۇرگىزسىن جانە اتقارۋ­شى ورگانداردىڭ جاڭا ۇيىمدىق-قۇقىق­تىق جاعدايلاردا ءتيىمدى جۇمىس ىستەۋىن قام­تاماسىز ەتەتىن شارالاردى قابىلداسىن. بۇل جۇمىستىڭ قورىتىندىلارى تۋرالى قازاقستان رەسپۋبليكاسىنىڭ پرەزيدەنتىنە بايانداسىن. 4. قازاقستان رەسپۋبليكاسى پرەزي­دەنتىنىڭ زاڭ شىعارۋ باستاماسى ءتارتى­بىمەن قازاقستان رەسپۋبليكاسى پارلا­مەنتى ءماجىلىسىنىڭ قاراۋىنا مىنالار ەنگىزىلەدى دەپ ايقىندالسىن: 1) «قازاقستان رەسپۋبليكاسىنىڭ پرە­زيدەنتى تۋرالى», «قازاقستان رەسپۋب­ليكاسىنىڭ تۇڭعىش پرەزيدەنتى – ەلباسى تۋرالى», «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى», «قازاقستان رەسپۋب­لي­كاسىنىڭ ۇكىمەتى تۋرالى», «قازاق­ستان رەسپۋبليكاسىنىڭ كونستيتۋ­تسيالىق كەڭەسى تۋرالى», «قازاقستان رەسپۋب­ليكاسىنىڭ سوت جۇيەسى مەن سۋديا­لارىنىڭ مارتەبەسى تۋرالى», «قازاقستان رەسپۋبليكاسىنداعى سايلاۋ تۋرالى», «رەسپۋبليكالىق رەفەرەندۋم تۋرالى» كونستيتۋتسيالىق زاڭداردى زاڭعا سايكەس كەلتىرۋدى كوزدەيتىن كونستيتۋتسيالىق زاڭنىڭ جوباسى; 2) «پروكۋراتۋرا تۋرالى» جاڭا قا­زاقستان رەسپۋبليكاسى زاڭىنىڭ جوباسى. 5. قازاقستان رەسپۋبليكاسى پرەزي­دەنتىنىڭ اكىمشىلىگى مۇددەلى مەملەكەتتىك ورگاندارمەن بىرلەسىپ: 1) وسى جارلىقتىڭ 4-تارماعىندا كوزدەلگەن زاڭنامالىق اكتىلەر جوبالارىن ازىرلەۋدى جانە قازاقستان رەسپۋبليكاسى پرەزيدەنتىنىڭ قاراۋىنا ەنگىزۋدى قامتاماسىز ەتسىن; 2) قازاقستان رەسپۋبليكاسى پرەزي­دەنتىنىڭ قولدانىستاعى اكتىلەرىن زاڭعا سايكەس كەلتىرۋ جونىندەگى شارالاردى قابىلداسىن. 6. قازاقستان رەسپۋبليكاسىنىڭ ۇكىمەتى ەكى اي مەرزىمدە: 1) وزگە دە زاڭنامالىق اكتىلەردى زاڭعا سايكەس كەلتىرۋدى قامتاماسىز ەتەتىن شارالار قابىلداسىن; 2) ۇكىمەتتىڭ, ورتالىق جانە جەرگىلىكتى اتقارۋشى ورگانداردىڭ, سونداي-اق ءماسليحاتتاردىڭ اكتىلەرىنە رەۆيزيا جۇرگىزۋدى جانە ولاردى زاڭعا سايكەس كەلتىرۋدى قامتاماسىز ەتسىن. 7. قازاقستان رەسپۋبليكاسىنىڭ كونستيتۋتسيالىق كەڭەسى, جوعارعى سو­تى, ورتالىق سايلاۋ كوميسسياسى, سون­داي-اق قازاقستان رەسپۋبليكاسىنىڭ پرە­زيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار وزدەرى قابىلداعان نورماتيۆتىك-قۇقىقتىق اكتىلەردى قايتا قاراۋ جانە زاڭعا سايكەس كەلتىرۋ جونىندەگى شارالاردى قابىلداسىن. 8. قازاقستان رەسپۋبليكاسىنىڭ سىرتقى ىستەر مينيسترلىگى قازاقستاننىڭ شەتەلدىك جانە حالىقارالىق ارىپتەستەرىنە كونستيتۋتسيالىق رەفورماعا سايكەس ەلدىڭ مەملەكەتتىك قۇرىلىمىندا بولعان وزگەرىستەردىڭ ءمانى مەن مازمۇنى تۋرالى اقپاراتتى جەتكىزۋدى قامتاماسىز ەتسىن. 9. قازاقستان رەسپۋبليكاسى پرەزي­دەن­تىنىڭ اكىمشىلىگى جانە قازاقستان رەسپۋب­ليكاسىنىڭ ۇكىمەتى وسى جارلىقتى ىسكە اسىرۋ جونىندەگى وزگە دە شارالاردى قابىلداسىن. 10. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرە­زيدەنتىنىڭ اكىمشىلىگىنە جۇكتەلسىن. 11. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ استانا, اقوردا, 2017 جىلعى 13 ناۋرىز №437