ەۋرازيالىق توپ (ERG) قۇرامىنداعى «ەۋرازيا ەنەرگەتيكالىق كورپوراتسياسى» اق-تاعى «ايەلدەر – وندىرىستە» اتتى فوتوكورمە وسى كاسىپورىندا ەڭبەك ەتىپ جۇرگەن ايەلدەرگە ارنالدى. بارلىعى دا سۇلۋ, ادەمى, جايدارى, وتباسىنىڭ بەرەكەسى اتانعان انا, سۇيىكتى جار. بىراق, ولاردىڭ بارىنەن دە ورتاق ەڭبەكسۇيگىشتىك, رۋحاني كۇش-قۋاتقا تولى ۇقساستىق تاباسىز. كاسىپورىنداعى ەڭبەك ەتۋشىلەردىڭ تورتتەن ءبىر بولىگى – ايەلدەر. كورمەنىڭ اۆتورى ەلەكتر ستانسا ينجەنەرى ەۆگەني نابيەۆ. ەنەرگەتيكالىق كورپوراتسياسىنىڭ كەنشىلەرى مەن ەنەرگەتيكتەرى قازىرگى زامان تالابىنا ساي جاڭاشىل كومپانيا قالىپتاستىرۋ ءۇشىن ەڭبەك ەتۋدە. الىپ كاسىپورىن ەلىمىزدىڭ وڭىرلەرىنە كومىر, ەلەكتر قۋاتىن جەتكىزەدى. كورمەگە كومپانيانىڭ ءۇش بولىمشەسى: اقسۋ ەلەكتر ستانساسى, «شىعىس» كەنىشى جانە وندىرىستىك جوندەۋ بولىمشەسىندە ەڭبەك ەتىپ جۇرگەن ەنەرگەتيكتەر, كرانشىلار, توكار, گەولوگتار, كەنشىلەر, اسپاز ايەلدەردىڭ سۋرەتتەرى قويىلعان. بۇل سۋرەتتەردە ستانسا وپەراتورى ەلۆيرا ابباكيروۆا, قازاندىقتىڭ جىلۋ مولشەرىن قاداعالاۋشى ەلەنا لەونتەۆا, دانەكەرلەۋشى كارينا جۋراۆلەۆا, كرانشى ءزاۋرەش بايشالوۆا, زەرتحاناشى اناستاسيا دەمچەنكو, كەن مامانى زۋلفيا سەرعاليەۆا ءجانە باسقالار بار. بيىككە ءورلەگەن كراندى باعىندىرۋشى ەۆگەنيا شەلياكينا «التىن قور-2016» كاسىبي شەبەرلىك بايقاۋىنا قاتىستى.
– بۇل كۇندەرى ايەلدەر دە ەرلەرمەن قاتار ءوز بىلىمدەرىمەن, بىلىكتىلىكتەرىمەن كومپانيانىڭ وركەندەپ, ءوسۋى ءۇشىن ارقايسىسى ۇلەس قوسۋدا, – دەيدى كومپانيا قىزمەتكەرى ەلەنا گاركاۆا. – ەلىمىزدە وتكەن «مەرەيلى وتباسى» ۇلتتىق بايقاۋىنىڭ وبلىستىق كەزەڭىندە كومپانيادان ك.احمەتوۆ, ن.نەكرىتوۆ, گ.گانەەۆ, س.تەرەنتەۆتەر اۋلەتتەرى قاتىستى. بارلىق ءاۋلەتتەردىڭ انالارى, قىزدارى, جارلارى ءوندىرىستە جۇمىس ىستەيدى.
بۇل فوتوكورمە اركىمدى دە ويلاندىرارى ءسوزسىز.
ەندى ايەلدەر ەڭبەگىن كورسەتەتىن كوشپەلى فوتوكورمە اقسۋ ەلەكتر ستانساسىندا, «شىعىس» كەنىشىندە وتەدى. ماقساتى – ءوندىرىستە ەڭبەك ەتىپ جۇرگەن نازىك جاندى ايەلدەردى جاستارعا, جاس ماماندارعا ۇلگى ەتۋ.
فاريدا بىقاي,
«ەگەمەن قازاقستان»
پاۆلودار وبلىسى,
اقسۋ قالاسى
سۋرەتتەردى تۇسىرگەن
ەلەنا گاركاۆا
