بۇرىمدىلار بايقاۋى

شەتپە سەلوسىنداعى جاستار ورتالىعىندا ماڭعىستاۋ اۋدانى اكىمدىگىنىڭ «ماڭعىستاۋ اۋداندىق جاستار رەسۋرستىق ورتالىعى» كمم ۇيىتقى بولۋىمەن قىز-كەلىنشەكتەر اراسىندا اۋداندىق بايقاۋ وتكىزىلدى. شاراعا اۋدانداعى بارلىق اۋىلداردان 13 قىز-كەلىنشەك قاتىسىپ, باقتارىن سىنادى. اتالمىش بايقاۋ قىزىقتى دا تارتىستى ءوتتى دەۋگە بولادى. تالاپ تا كۇشتى بولدى. ءار قاتىسۋشىنىڭ شاشى ۇزىن بولۋى, قاتىسۋشى جاسى 14-30 جاس ارالىعىندا بولۋى كەرەك دەگەن شارتتار قويىلدى. اتالمىش بايقاۋ ءتورت بولىمنەن تۇردى: «شاش – ادام كوركى» شاش ۇلگىسىن جاساۋ, «ونەرلىگە ءورىس كەڭ» – ونەرىن باعالاۋ, «اقىل – ويدىڭ ءورىسى» – زياتكەرلىك سۇراقتار,«ۇلت بولام دەسەڭ بەسىگىڭدى تۇزە» سالت-داستۇرگە ارنالعان سۇراقتار بولدى. ادىلقازىلار القاسىنىڭ قۇرامىندا ولكەگە تانىمال ايەل ازاماتتار تورە­لىك ەتتى. شارادا اۋىلداردان كەلگەن وقۋشى جاستار مەن مەكەمە-ۇجىمداردىڭ قىز-كەلىنشەكتەرى بەلسەندى قاتىسۋى اۋىلداعى گەندەرلىك ساياساتتىڭ قار­قىن­دى تۇردە قۇلشىنىسى الابوتەن ەكەندىگىن دالەلدەدى. بايقاۋ سوڭىندا جۇلدەلى ءبىرىنشى ورىندى تۇشىبەك اۋىلىنىڭ اقجان نۇربولاتقىزى, ەكىنشى ورىندى جار­مىش اۋىلدىق مادەنيەت ءۇيى­نىڭ ادىسكەرى ارداق رزابەكوۆا, ال ءۇشىن­شى ورىندى شەتپە ليتسەيىنىڭ 10-سىنىپ وقۋشىسى نازەركە بيسەن­عاليەۆا يەلەندى. جۇلدەگەرلەرگە ۇيىم­داستىرۋشىلار اتىنان باعالى سىيلىقتار مەن العىس حاتتار تاپسىرىلدى. «بۇگىنگى بايقاۋ وتە تارتىستى ءوتتى. اسىرەسە, سالت-ءداستۇر مەن زياتكەرلىككە ارنالعان سۇراقتارى قيىنداۋ بولدى. ۇلتتىق سالت-ءداستۇردى ءوزىمنىڭ تو­لىق بىلمەيتىنىم انىق كورىنىپ تۇر­دى. سونداي-اق, اقشىمىراۋ, شايىر اۋىلدارىنىڭ قىزدارىنىڭ بەلسەندىلىگى جوعارى بولدى. مەنى ءار اۋىلدان كەلگەن قىزداردىڭ ۇلتتىق ناقىشتاعى كيىمدەرى قاتتى ءسۇيسىنتتى», دەيدى اتالمىش بايقاۋعا قاتىسۋشى, شەتپە گيمنازياسىنىڭ مۇعالىمى قالي اسەل. اللابەرگەن قونارباەۆ ماڭعىستاۋ وبلىسى, ماڭعىستاۋ اۋدانى