قازاق كۇرەسىنەن ەل چەمپيوناتى الماتىدا وتەدى

الماتىداعى "حالىق ارەنا" سپورت سارايىنىڭ كىشى ارەناسىندا 18-19 ناۋرىز كۇندەرى قازاق كۇرەسىنەن ەرەسەكتەر اراسىندا قازاقستان چەمپيوناتى وتەدى. جارىسقا ەلىمىزدىڭ 14 وبلىسى جانە الماتى مەن استانا قالالارىنان 200-دەن اسا بالۋان قاتىسادى. قاتىسۋشىلار ساپىندا بەلگىلى بالۋاندار دا از ەمەس. سونىڭ ىشىندە ءۇش دۇركىن "قازاقستان بارىسى" بەيبىت ىستىباەۆ, الەم چەمپيوندارى مۇحيت تۇرسىنوۆ, ايبەك نۇعىماروۆ, ايبول ايتبەك جانە عاني سەيدىلداەۆ, تۇڭعىش «قازاقستان بارىسى» ۇلان رىسقۇل, سونىمەن قاتار رۋسلان ابدىرازاقوۆ, مۇرات كەنتونوۆ جانە تاعى باسقا بىلەكتى بالۋاندار بار. قازاقستان چەمپيوناتى مادەنيەت جانە سپورت مينيسترلىگى, قازاقستان قازاق كۇرەسى فەدەراتسياسى جانە الماتى قالاسى اكىمدىگىنىڭ ۇيىمداستىرۋىمەن وتەدى. قازاقستان چەمپيوناتىنىڭ باعدارلاماسى: 18 ناۋرىز 10:00 82 كگ, 90 كگ, 100 كگ جانە +100 كگ سالماق دارەجەلەرى بويىنشا ىرىكتەۋ بەلدەسۋلەرى 12:00 جارىستىڭ سالاتاناتتى اشىلۋ ءراسىمى 16:00 82 كگ, 90 كگ, 100 كگ جانە +100 كگ سالماق دارەجەلەرى بويىنشا 19 ناۋرىز 10:00 55 كگ, 60 كگ, 66 كگ جانە 74 كگ سالماق دارەجەلەرى بويىنشا ىرىكتەۋ بەلدەسۋلەرى 55 كگ, 60 كگ, 66 كگ جانە 74 كگ جانە تۇيە بالۋان دارەجەسىندە