وڭالۋ

قىستا قىسىلشاڭ شاقتى باستان كەشكەن  پريوزەردىڭ ەكىنشى تىنىسى اشىلماق «وتكەنگە وكىنبە» دەگەن ەمەس پە. قاقاعان قىس ورتاسىندا  ءبۇتىن ءبىر قالانىڭ قاپىلىستا جىلۋسىز قالعان كۇندەردەگى قيىندىق قازىر بىرتە-بىرتە ۇمىتىلىپ بارادى. بۇ­دان بىلاي قاراي مۇنداي جاع­داي­دىڭ ورىن الماۋىنا ارنالعان ءىس-شارالار شيراتىلىپ, اۋقىمى كە­ڭەيە تۇسكەن سايىن تۇرعىنداردىڭ وعان دەگەن ءۇمىتى دە ۇلكەيىپ وتىر. ەلباسىنىڭ تىكەلەي قولداۋىمەن  قابىلدانىپ, ۇكىمەت قاۋلىسىمەن بە­كىتىلگەن پريوزەر قالاسىنىڭ 2011-2013 جىلداردا الەۋمەتتىك-ەكونوميكالىق دامۋىنىڭ كەشەندى جوسپارى تىنىسىنا تىڭ سەرپىن بەرە باستاۋدا. العا قويىلعان مىندەتتەر مۇلتىكسىز ورىندالۋى بارىسىن جاقىندا تاعى ءبىر رەت كوزبەن كورۋگە كەلگەن وبلىس اكىمى سەرىك احمەتوۆ كەزەكتى ساپارىندا پريوزەرلىكتەردى وسى قۇجاتپەن قۋانتتى. ءبىر ايتارلىعى, ول بىرنەشە ءبو­لىمنەن تۇرادى. سونىڭ ىشىندە نەگىزگىسى جىلۋ جانە سۋمەن قام­تا­ماسىز ەتۋدى قوسقاندا  تۇرعىن ءۇي-كوم­مۋ­نال­دىق شارۋاشىلىقتى جەتىلدىرۋ  باعىتى بولىپ تابىلادى. جىلۋ ماسەلەسى بويىنشا  جاڭا قالالىق قازاندىق ىسكە قوسىلعانشا قولدا­نىس­تاعى  №1 قازاندىق جۇمىسىن قالىپتا ۇستاۋ ءۇشىن تەحنيكالىق شارالار جۇرگىزىلەدى. سونىمەن بىرگە جىلۋدى جەتكىلىكتى تاراتىپ, بولۋگە قولايلى ينفراقۇرىلىم قالىپتاستىرىلادى. ال سۋدىڭ تۇراقتى جەتكىزىلۋىن جاقسارتۋ  دا قوسا اتقارىلاتىن ىستەر. وسىعان بايلانىستى باع­دار­لا­ما­عا سايكەس باستى كوشەلەر بوي­ىن­داعى سۋ قۇبىرلارىن تازار­تىپ, جاڭارتۋ بۇگىندە قىزۋ باستا­لىپ تا كەتتى. كۇزگە دەيىن كوپ قا­باتتى 19 ءۇيدى ورتالىقتاندىرىل­عان جىلۋ جۇيەسىنە قوسۋ كوزدەلسە, سونداي-اق ونى كۇردەلى جوندەۋدەن وتكىزۋ, تۇرعىندارىنا بارلىق تۇر­مىستىق جاعدايلار جاساۋ بەلگىلەنگەن. باسقا شاعىن شاھارلارداعى­داي مۇندا دا كەزىندە بوساپ قالعان ۇيلەر از كەزدەسپەيدى. بۇل كۇندە قالاعا قايتا قونىستانۋشىلار از  ەمەس. ەندى ولارعا  قالپىنا كەلتىرىلەتىن 6 ءۇي ەسىك اشپاقتاعى قۋانىش­تى حابار بولىپ جاتىر. اباي, اعى­باي باتىر, باۋىرجان مومىش ۇلى اتتارىنداعى كوشەلەردەگى اپاتتى كۇيدەگى ەسكى قونىستار دا كورىكتى كەيىپكە ەنەدى. جالپى العاندا, وسى جازدا پريوزەردىڭ كەسكىن-كەلبەتى تانىعى­سىز وزگەرەدى. كوشەلەر كەشكىسىن نۇر ساۋلەگە مالىنىپ, اۋلالار اجار­لانىپ, جاسىل جەلەكتەر كو­بەيىپ, كول جاعاسىنداعى قالا كوز تارتۋعا اينالعالى تۇر. جوعارىدا اتالعان شارالاردى ىسكە اسىرۋعا رەسپۋبليكالىق جانە وبلىستىق بيۋدجەتتەن بولىنگەن 12,6   ميلليارد تەڭگەنى  ۇقساتىپ پايدا­لانۋعا تالاپ كۇشتىلىگى دە ءتاۋىر-اق. وتكەن قىستاعى قىسىلتاياڭ شاق­تا قالا تۇرعىندارى كەمىستىك تولار, كوڭىل ورنىنا كەلەر, جاعداي وڭالار دەپ سەنگەن ەدى. سول كۇن كوپ كۇتتىرمەي تۋىپ تا وتىر. ايقىن نەسىپباي. قاراعاندى وبلىسى.