قازاقستان رەسپۋبليكاسى پرەزيدەنتىنىڭ جارلىقتارى

قازاقستان رەسپۋبليكاسى پرەزيدەنتىنىڭ جارلىعى ا.ە. ءمۋسيندى قازاقستان رەسپۋبليكاسى   پرەزيدەنتى اكىمشىلىگىنىڭ باسشىسى قىزمەتىنە تاعايىنداۋ تۋرالى اسلان ەسبولاي ۇلى مۋسين قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 13 ءساۋىر.    № 40 * * * قازاقستان رەسپۋبليكاسى پرەزيدەنتىنىڭ جارلىعى س.ءا.ۇمبەتوۆتى قازاقستان رەسپۋبليكاسى پرەزيدەنتىنىڭ ءىس باسقارۋشىسى قىزمەتىنە تاعايىنداۋ تۋرالى سەرىك ابىكەن ۇلى ۇمبەتوۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 13 ءساۋىر.   № 39 _________________________ سەرىك ابىكەن ۇلى ۇمبەتوۆ 1950 جىلى تۋعان, الماتى زووتەحنيكا­لىق-مالدارىگەرلىك ينستيتۋتىن بىتىرگەن. ينستيتۋتتى تامامداعاننان كەيىن مامان­دىعى بويىنشا ەڭبەك ەتتى. الماتى وبلىسى, كۇرتى اۋدانىندا باس زووتەحنيك, سوۆحوز دي­رەك­تورى بولدى. كەگەن اۋداندىق اگروونەر­كا­سىپ بىرلەستىگىنىڭ توراعاسى, كۇرتى اۋدانىنىڭ اكىمى قىزمەتتەرىن اتقاردى. الماتى وبلىسى اكىمىنىڭ ورىنباسارى, ءبىرىنشى ورىنباسارى بولىپ ىستەدى. الماتى جانە جامبىل وب­لىستارىنىڭ اكىمى, قازاقستان رەسپۋبلي­كا­سى­نىڭ اۋىل شارۋاشىلىعى ءمينيسترى قىز­مەت­تەرىنە تاعايىندالدى. سوڭعى كەزدە – الماتى وبلىسىنىڭ اكىمى. * * * قازاقستان رەسپۋبليكاسى پرەزيدەنتىنىڭ جارلىعى ا.ت.مۇساحانوۆتى الماتى وبلىسىنىڭ اكىمى قىزمەتىنە تاعايىنداۋ تۋرالى انزار تۇرسىنحان ۇلى مۇساحانوۆ الماتى وبلىسىنىڭ اكىمى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 13 ءساۋىر.    № 52 ________________________________ انزار تۇرسىنحان ۇلى مۇساحانوۆ 1966 جىلى تۋعان, الماتى زووتەح­ني­كالىق-مالدارىگەرلىك ينستيتۋ­تىن, قازاق ۇلتتىق اگرارلىق ۋنيۆەرسيتەتىن بىتىرگەن, ماماندىعى بويىنشا – مال دارىگەرى, مەملەكەتتىك جانە جەرگىلىكتى باسقارۋ مەنەدجەرى. اۋىل شارۋاشىلىعى عىلىمدارىنىڭ كاندي­داتى عىلىمي دارەجەسى بار. ينستيتۋتتى بىتىرگەننەن كەيىن الماتى وبلىسىندا كەڭشاردىڭ باس مال دارىگەرى, كەيىن كۇرتى اۋدانىنىڭ باس مال دارىگەرى, تەمىر جول اۋىلدىق وكرۋگىنىڭ اكىمى, اقسەڭگىر ءتا­جىري­بە شارۋاشىلىعىنىڭ ديرەكتورى بولدى. رەسپۋبليكا اۋىل شارۋاشىلىعى مينيستر­لىگىنىڭ قاراساي اۋداندىق اۋماقتىق باسقار­ماسىنىڭ باستىعى, ىلە اۋدانى اكىمىنىڭ ورىنباسارى قىزمەتتەرىن اتقاردى. جامبىل جانە قاراساي اۋداندارىنىڭ اكىمى, قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى لاۋازىمدارىنا تاعايىندالدى. سوڭعى كەزدە – الماتى وبلىسى اكىمىنىڭ ورىنباسارى. * * * تاعايىنداۋلار مەملەكەت باسشىسىنىڭ جارلىقتارىمەن: ەلەۋسىن ناۋرىزباي ۇلى ساعىندىقوۆ اقتوبە وبلىسىنىڭ اكىمى قىزمەتىنە; اسقار يسابەك ۇلى مىرزاحمەتوۆ وڭتۇستىك قازاقستان وبلىسىنىڭ اكىمى قىزمەتىنە; قانات الدابەرگەن ۇلى بوزىمباەۆ جامبىل وبلىسىنىڭ اكىمى قىزمەتىنە; قىرىمبەك ەلەۋ ۇلى كوشەرباەۆ ماڭعىستاۋ وبلىسىنىڭ اكىمى قىزمەتىنە; بەرگەي ساۋلەباي ۇلى رىسقاليەۆ اتىراۋ وبلىسىنىڭ اكىمى قىزمەتىنە; احمەتجان سماعۇل ۇلى ەسىموۆ الماتى قالاسىنىڭ اكىمى قىزمەتىنە; باقتىقوجا سالاحاتدين ۇلى ىزمۇحامبەتوۆ باتىس قازاقستان وبلىسىنىڭ اكىمى قىزمەتىنە تاعايىندالدى. *   *   * مەملەكەت باسشىسىنىڭ جارلىقتارىمەن: امانجول قازىبەك ۇلى جانقۇليەۆ قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى قىزمەتىنە; مۇحتار اقات ۇلى ايۋباەۆ قازاقستان رەسپۋبليكاسى پرەزيدەنتىنىڭ كۇزەت قىزمەتىنىڭ باستىعى قىزمەتىنە; اباي بولەكباي ۇلى تاسبولاتوۆ قازاقستان رەسپۋبليكاسى رەسپۋبليكالىق ۇلانىنىڭ قولباسشىسى قىزمەتىنە تاعايىندالدى.