تاسقىن تىيىلماي تۇر

باتىس قازاقستان وبلىسىندا سۋ تاسقىنىنا بايلانىستى كۇر­دەلى جاعداي قالىپتاسىپ وتىر. وسىعان وراي وڭىرگە 11 ءساۋىر كۇنى توتەنشە جاعدايلار ءمينيسترى ۆلاديمير بوجكو كەلگەن بولاتىن. ول وبلىس باسشىسى باقتىقوجا ىزمۇحامبەتوۆپەن بىرگە سۋ باسقان جەرلەردى ارالاپ شىعىپ, توتەنشە جاعدايعا وراي شۇعىل كەڭەس وتكىزدى. مينيستر سۋ تاسقىنىنان زارداپ شەككەن تۇرعىنداردىڭ بارىنە قاجەتتى كومەك جاسالا­تىنىن جەتكىزدى. وبلىستىق توتەنشە جاعدايلار دەپارتامەنتىنەن تۇسكەن ءمالى­مەت­كە قاراعاندا, دەركول, 1-ءشى شەجىن جانە 2-ءشى شەجىن, بىكوۆكا وزەن­دەرىنىڭ تاسۋى شىرقاۋ شەگىنە جەتسە, جايىق پەن شاعاننىڭ سۋى كوتەرىلۋ ۇستىندە. زەلەنوۆ اۋدانى زەلەنىي اۋى­لى تۇسىندا دەركول سۋى 61 ۇيگە كىرىپ, 40 تۇرعىن قاۋىپتى جەردەن كوشىرىلدى. باكاۋشين اۋىلىندا 49 ءۇيدى سۋ الىپ, 35 ادام باسقا جەرگە ورنالاستىرىلدى. بىكوۆكادان حامين ەلدى مەكەنى زارداپ شەگىپ, 30 ءۇيدى سۋ باستى. تاسقالا اۋدانى ورتالىعىندا دەركولدىڭ كوكتەمگى مىنەزىنەن 60-تان استام ءۇي زيان شەگىپ, 550 ادام كوشىرىلدى. سامان تاستان سالىنعان ۇيلەردىڭ الدى قۇلاپ تا جاتىر. 1-ءشى شەجىن وزەنىنەن اتامەكەندەگى 40-تان استام ءۇيدى سۋ العان. تەرەكتى اۋدانى پودستەپنىي اۋىلىندا 21 ءۇي وسىنداي كۇيگە ۇشىرادى. زەلەنوۆ اۋىلىنىڭ بەلەس ەلدى مەكەنىنە دە سۋ كىردى. ورال قالاسى توڭىرەگىندەگى ەلدى مەكەندەردى دە سۋ الۋدا. سون­دىق­تان ساياجايلاردا, سامال-1, سامال-2 اۋدانى, چۋۆاشكا جانە باس­قا جەرلەردە تۇرىپ جاتقان ادام­دار, «جاس داۋرەن» بالالار كەشەنى, «يۆۋشكا» ءساناتوريى, وبلىس­تىق كارديوورتالىق كوشىرىلدى. ماشتاكوۆ, ميچۋرين اۋىلدارى دا وسىعان ۇقساس جاعدايدى باستان كەشىرۋدە. قۇتقارۋ جۇمىستارىنا مىڭ­نان استام ادام جۇمىلدىرىلىپ, 292 تەحنيكا قاتىستىرىلدى. سو­نى­مەن قاتار رەسپۋبليكانىڭ وزگە ءوڭىر­لەرى­نەن دە قۇتقارۋشىلار كومەككە كەلگەندىگىن ايتا كەتۋ كەرەك. قۇتقارۋشىلاردىڭ سوزىنە قا­را­عاندا, دەركول, شاعانعا قوسا جايىق وزەنىنىڭ قوسا تاسۋى جاع­دايدى قيىنداتىپ جىبەردى. نەگىزى جايىق ون كۇندەي كەيىن تاسيتىن. باستىسى, قولدان كەلگەن شارا­لار­دىڭ ءبارى جاسالىنۋدا. ابىروي بولعاندا, مال شىعىن بولعا­نى­مەن, ادامدار امان. تەمىر قۇسايىن. ورال.