اقپانداعى تەڭگەنىڭ نىعايۋى ءۇي باعاسىنا قالاي اسەر ەتتى؟

سوڭعى بىرنەشە اپتادا ءۇي باعاسى كوتەرىلە باستادى. اقپان ايىنىڭ باسىنان سوڭىنا دەيىنگى ارالىقتا ۇلتتىق ۆاليۋتا 4 پايىزعا كۇشەيدى. قازىردە جىلجىمايتىن م ۇلىك نارىعىندا دوللارعا دەگەن تاۋەلدىلىكتىڭ جوقتىعى انىق كورىنەدى. وسىنىڭ ناتيجەسىندە تەڭگە باعامىنىڭ وزگەرۋى ءۇي باعاسىنا قاتتى اسەر ەتپەدى. استانا مەن الماتىدا وتكەن ايداعى ەڭ قاتتى قىمباتتاعان باعا 1 پايىزدان اسقان جوق. باعانىڭ وزگەرۋ ترەندى وتە باسەڭ بولدى جانە ايتارلىقتاي وزگەرىس اكەلمەدى. استانادا شارشى مەتردىڭ ورتاشا باعاسى 334 850 تەڭگە بولدى. بۇل قاڭتار ايىمەن سالىستىرعاندا 0,6 پايىزعا (1 990 تەڭگە) تەڭگەگە ارتىق. قاڭتار ايىندا باعانىڭ كۇرت تومەندەۋىنەن كەيىن اقپانداعى ازداعان قىمباتشىلىق ايتارلىقتاي اسەر ەتكەن جوق. قازىرگى كەزدە باعا 2016 جىلعى كورسەتكىشتەن اناعۇرلىم ارزان. ازىرگە ەڭ ارزان باعا 2017 جىلدىڭ قاڭتار ايىندا تىركەلىپ وتىر. الماتىدا جاعداي ءسال وزگەشەلەۋ. جىل باسىنداعى قۇلدىراۋدىڭ ورنى ءالى تولماي تۇر. جالپى, اقپاندا ۇسىنىستىڭ ورتاشا باعاسى شارشى مەترىنە 1,9 پايىزعا (6 980 تەڭگە) ارزانداپ, قازىر 352 100 تەڭگەگە تۇراقتادى. وسىلايشا, جىلدىق مينيمۋم اقپاندا كەزەكتى رەت جاڭارىپ وتىر. جالپى, باعا ترەندى تومەن كەتىپ بارادى. قالاي دەگەندە دە, وتكەن جىلدىڭ قاراشا ايىنان بەرى الماتىداعى باعا تۇراقتى تومەندەۋدە.