بوكسشى ءالي احمەدوۆتىڭ جەكپە-جەگى ءساۋىر ايىندا وتەتىن بولدى

قازاقستاندىق كاسىپقوي بوكسشى ءالي احمەدوۆ التىنشى جەكپە-جەگىندە گامبيالىق پاتريك مەنديمەن جۇدىرىقتاساتىن بولدى. قوس سپورتشىنىڭ اراسىنداعى ايقاس 11 ناۋرىز كۇنى ۇلىبريتانيانىڭ لوندون قالاسىندا ءوتۋى ءتيىس بولاتىن. «لوندوندا 11 ناۋرىز كۇنى جەكپە-جەگىم ءوتۋى ءتيىس بولاتىن. بىراق ۇيمداستىرۋشىلار ۇلكەن بوكس كەشىن وتكىزبەك بولىپ وتىر ەكەن. ال مەن كەزەكتى جەكپە-جەگىمدى پولشانىڭ ۆارشاۆا قالاسىندا شارشى الاڭعا گامبيالىق پاتريك مەنديگە قارسى وتكىزەمىن. ايقاس سەگىز راۋندقا سوزىلادى. قارسىلاسىم الەمدىك رەيتينگتەگى ۇزدىك 50 بوكسشىنىڭ ءبىرى», – دەدى قازاقستاندىق بوكسشى. «بۇعان دەيىنگى ۇرىستارىن كورىپ شىقتىم. تاجىريبەلى بوكسشى. كوپتەگەن تيتۋلدى جەكپە-جەكتەر وتكىزگەن. رەسەيلىك دميتري چۋدينوۆپەن تەڭ تۇسكەن. بريتانيالىق كاللۋم سميتپەن, فرانتسيالىق حاسسان ن'جيكاممەن كۇش سىناسقان. وڭاي قارسىلاس ەمەس», – دەدى جارتىلاي اۋىر سالماقتاعى بوكسشى. ايتا كەتەيىك, 21 جاستاعى بىلعارى قولعاپ شەبەرى كاسىپقوي بوكستا بەس رەت شارشى الاڭعا شىعىپ, بارىندە جەڭىسپەن ء(تورت نوكاۋت) اياقتاعان. سوڭعى رەت ول بەلورۋس بوكسشىسى ۆلاديمير حاركەۆيچتەن ۇپاي سانىمەن باسىم ءتۇستى. ايقاستان كەيىن احمەدوۆ جاراقات العان قولىمەن جۇدىرىقتاسقانى بەلگىلى بولدى.