ۇكىمەت قۇرامى ماجىلىسپەن كەڭەسىپ جاساقتالادى - جاقسىبەكوۆ

كونستيتۋتسيالىق رەفورما تۋرالى زاڭ جوباسى پارلامەنت قاراۋىنا بەرىلدى. بۇل تۋرالى ەلباسىنىڭ قاتىسۋىمەن ءوتىپ جاتقان پارلامەنت پالاتالارىنىڭ بىرلەسكەن وتىرىسىندا كونستيتۋتسيالىق رەيفورمالار جونىندەگى جۇمىس توبىنىڭ جەتەكشىسى, قازاقستان پرەزيدەنتى اكىمشىلىگىنىڭ جەتەكشىسى ادىلبەك جاقسىبەكوۆ حابارلادى. – قازاقستان رەسپۋبليكاسى كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى زاڭ جوباسى مەملەكەت باسشىسىنىڭ شەشىمىمەن پارلامەنت قاراۋىنا ەنگىزىلدى. مەملەكەت باسشىسى اتاپ وتكەندەي, ۇسىنىلعان كونستيتۋتسيالىق وزگەرىستەردى بەس نەگىزگى بلوك بويىنشا قۇرىلىمداۋعا بولادى. ءبىرىنشىسى, تۇزەتۋلەر پارلامەنتتىڭ ءرولىن كۇشەيتۋگە باعىتتالعان. ۇكىمەتتى قالىپتاستىرۋداعى ءماجىلىستىڭ ءرولىن كۇشەيتۋ ۇسىنىلادى. سونىمەن قاتار, ۇكىمەت ونىڭ مۇشەلەرىنىڭ قىزمەتىن باقىلاۋ وكىلەتتىگى بويىنشا پارلامەنت پەن پالاتالاردىڭ ءرولىن كۇشەيتۋ قاراستىرىلعان. ۇكىمەت قۇرامىن جاساقتاۋ كەزىندە كەلەسى ءتارتىپ ۇسىنىلادى. پرەمەر-مينيستر ماجىلىسپەن كەڭەسكەننەن كەيىن مەملەكەت باسشىسىنا ۇكىمەت مۇشەلىگىنە ۇمىتكەرلەر تۋرالى ۇسىنىس ەنگىزەدى. پرەزيدەنت ءوزى تاعايىندايتىن سىرتقى ىستەر مينيسترلەرى مەن قورعانىس مينيسترلەرى عانا بۇل ەرەجەدەن تىسقارى,– دەدى جاقسىبەكوۆ. جۇمىس توبى جەتەكشىسىنىڭ ايتۋىنشا, ءپرينتسيپتى تۇردەگى جاڭاشىلدىق دەپ جاڭادان سايلانعان ءماجىلىس الدىندا ۇكىمەتتىڭ وكىلەتتىگىن توقتاتاتىنىنىن ايتۋعا بولادى.