رەفەرەندۋم وتكىزۋدىڭ قاجەتتىگى جوق – ەلباسى

استانادا ءوتىپ جاتقان پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى  قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن پارلامەنتتىڭ قاراۋىنا ۇسىندى. «دەپۋتاتتاردان زاڭدارعا سايكەس بارلىق پروتسەدۋرالاردى ساقتاي وتىرىپ, زاڭ جوباسىن قاراۋدى سۇرايمىن. كونستيتۋتسيادا نەگىزگى زاڭدى وزگەرتۋدىڭ ەكى ۆاريانتى قاراستىرىلعان. بۇكىلحالىقتىق رەفەرەندۋم ارقىلى نەمەسە پارلامەنتتە تالقىلاۋ. مەملەكەتتىك باسقارۋدىڭ, ادام قۇقىقتارى مەن بوستاندىقتارىنىڭ نەگىزگى ماسەلەلەرى وزگەرمەيتىندىكتەن, كوپ شىعىنمەن رەفەرەندۋم وتكىزۋدىڭ قاجەتتىگى جوق. سوندىقتان مەن زاڭ جوباسىن حالىق سايلاعان دەپۋتاتتىق كورپۋستىڭ قاراۋىنا ۇسىنۋدى ءجون سانادىم. دەپۋتاتتىق كورپۋس بۇل بۇل جۇمىستى ويداعىداي اتقارادى دەپ سەنەمىن. بارلىعىمىزدىڭ ماقساتىمىز ءبىر – مەملەكەتتىك باسقارۋ جۇيەسىن بۇدان دا ءتيىمدى ءارى تۇراقتى ەتۋ», دەدى نۇرسۇلتان نازارباەۆ.