جۇكەمباەۆ پەن قۇسايىنوۆ 11 ناۋرىزدا شارشى الاڭعا شىقپايتىن بولدى

قازاقستاندىق قوس بوكسشى باتىر جۇكەمباەۆ (8-0, 7كو) پەن ابىلايحان قۇسايىنوۆ (4-0, 4كو) 11 ناۋرىز كۇنى داۆيد لەمە مەن كەرتيس ستيۆەنس اراسىندا وتەتىن بوكس كەشىندە شارشى الاڭعا شىقپايتىن بولدى, دەپ حابارلادى vesti.kz. بۇعان دەيىن جەرلەستەرىمىزدىڭ بىرەۋى عانا لەمە مەن ستيۆەنس اراسىنداعى بوكس كەشىنىڭ اندەركارتىندا جۇدىرىقتاساتىنى حابارلانعان. الايدا, بۇگىن ەكەۋى دە بۇل كەشكە قاتىسپايتىنى بەلگىلى بولدى. بوكسشىلارىمىزدىڭ كەلەسى كەزدەسۋلەرى ءساۋىر ايىندا ءوتۋى مۇمكىن. قازىرگى ۋاقىتتا جۇكەمباەۆ پەن قۇسايىنوۆ كىشى ۆەس ءۋليستىڭ ءدال وسى كەشتەگى دايىندىعىنا كومەكتەسىپ جاتىر. باتىر جۇكەمباەۆ پەن ابىلايحان قۇساينوۆ كانادادا «Eye of the Tiger Management» كومپانياسىمەن جۇمىس ىستەپ كەلەدى. ولاردىڭ مەنەدجەرى – اننا رەۆا. ايتا كەتەيىك, داۆيد لەمە مەن كەرتيس ستيۆەنس اراسىنداعى ۇرىس 11 ناۋرىز كۇنى اقش-تىڭ ۆەرونا قالاسىنداعى Turning Stone Resort Casino ارەناسىندا وتەدى.