رەسەي پرەزيدەنتى قاسىم-جومارت توقاەۆتى قۇرمەت وردەنىمەن ماراپاتتادى

رەسەي مەن قازاقستان حالىقتارى اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ جارلىعىمەن  قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ  قۇرمەت وردەنىمەن ماراپاتتالدى, دەپ حابارلادى قازاقپارات. «رەسەي فەدەراتسياسى مەن قازاقستان رەسپۋبليكاسى حالىقتارى اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن قازاقستان رەسپۋبليكاسى پارلامەنتى سەناتىنىڭ توراعاسى - توقاەۆ قاسىم-جومارت كەمەل ۇلى قۇرمەت وردەنىمەن ماراپاتتالسىن», - دەلىنگەن قۇقىقتىق اقپارات رەسمي ينتەرنەت-پورتالىندا جاريالانعان قۇجاتتا. و سى جارلىقپەن قر قاۋىپسىزدىك كەڭەسى حاتشىسىنىڭ ءبىرىنشى ورىنباسارى مارات شايحۋتدينوۆ دوستىق وردەنىمەن ماراپاتتالدى. مادەنيەت پەن ونەر سالاسىنداعى قىزمەتى, رف مەن قر حالىقتارى مادەنيەتتەرىن جاقىنداتۋعا, ءوزارا بايىتۋعا قوسقان ۇلەسى ءۇشىن «استانا وپەرا» مەملەكەتتىك وپەرا جانە بالەت تەاترى» كوممەرتسيالىق ەمەس قوعامىنىڭ وپەرالىق ترۋپپاسىنىڭ باس كونتسەرتمەيستەرى ەلەنا ساحنو  «پۋشكين» مەدالىمەن ماراپاتتالدى.