"اتامەكەن" وقو-داعى كəسىپكەرلىكتى دامىتۋعا بارىنشا قولداۋ كورسەتەدى

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «اتامەكەن»  ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆپەن كەزدەستى. جۇزدەسۋ بارىسىندا كاسىپكەرلىكتى دامىتۋ باعدارلاماسى تالقىلانىپ, اكىمشىلىك كەدەرگىلەردى ازايتۋ, وڭىردە بيزنەس جۇرگىزۋگە قولايلى جاعداي جاساۋ  جايى ءسوز بولدى, دەپ حابارلادى وقو اكىمىنىڭ ءباسپاسوز قىزمەتى. ابىلاي يسابەك ۇلى ءوز كەزەگىندە  كاسىپكەرلەردىڭ جۇمىسىن وڭتايلاندىرۋ جانە تيىمدىلىگىن ارتتىرۋ ماقساتىندا  وبلىس اكىمدىگىمەن بىرلەسە جۇمىس ىستەۋگە نيەتتى ەكەندىگىن جەتكىزدى. «ەلباسى جولداۋىندا ايتىلعان نەگىزگى باسىمدىقتاردىڭ ءبىرى – جۇمىسپەن قامتۋ جانە كاسىپكەرلىكتى دامىتۋ. جولداۋ اياسىندا  ۇلتتىق پالاتانىڭ جۇمىس جوسپارى بەكىتىلدى.  ءبىزدىڭ باستى ماقساتىمىز – حالىقتىڭ كاسىپكەرلىككە دەگەن ىنتاسىن وياتىپ, ءوز قابىلەتىن اشۋعا جاردەمدەسۋ. وسى ماقساتتا وڭتۇستىك  قازاقستان وبلىسى اكىمدىگىمەن بىرلەسە جۇمىس اتقارۋعا دايىنبىز» ,- دەدى ابىلاي مىرزاحمەتوۆ. ايتا كەتەيىك, ۇلتتىق پالاتا باسشىلىعى بيىل 11 مىڭ سانيتارلىق-ەپيدەميولوگيالىق تالاپتاردى 3 مىڭعا قىسقارتقالى وتىر. بۇل اۋقىمدى جۇمىس 2018 جىلدىڭ 1 قاڭتارىنا دەيىن جالعاساتىن بولادى. «ەلباسى قابىلداۋىندا بولعانىمدا وڭىردەگى كاسىپكەرلىكتى دامىتۋ جونىندە تاپسىرما جۇكتەلدى.   سوعان سايكەس  وڭىرىمىزدە كاسىپتى دامىتۋ باعىتىندا ءتۇرلى مەملەكەتتىك باعدارلامالاردىڭ جۇزەگە اسىرىلۋىن,  قارجى-نەسيەلىك قولداۋ ساياساتىن جەتىلدىرۋ ءىسى قولعا الىنىپ وتىر. بۇل رەتتە ءبىز وڭىرلىك باعدارلامالار كەستەسىن ءتۇزىپ, جۇيەلى جۇمىستى باستاپ جىبەردىك. الداعى ۋاقىتتا وڭتۇستىكتە كəسىپكەرلىكتى قولداۋدىڭ بارلىق تەتىگى ىسكە قوسىلادى» , - دەدى وبلىس اكىمى جانسەيىت قانسەيىت ۇلى. ايتا كەتەيىك, وڭتۇستىك قازاقستان وبلىسىندا 2016 جىلدىڭ قورىتىندىسىمەن جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 173 مىڭ 770-كە جەتىپ وتىر.  بۇل رەسپۋبليكا بويىنشا ۇلەسىنىڭ  14,6 پايىزىنا جەتىپ, وبلىستار اراسىندا ءبىرىنشى ورىندى يەلەندى. وبلىستاعى شاعىن جانە ورتا بيزنەستىڭ دامۋىنا ۇلەسىن قوسىپ كەلەتىن كاسىپكەرلەرگە قىزمەت كورسەتۋ ورتالىعى  ءبىر جىل ىشىندە  37 232 كاسىپ يەسىنە نەسيەلىك قولداۋ كورسەتكەن. سونىمەن قاتار, «جۇمىسپەن قامتۋ 2020» باعدارلاماسى اياسىندا    ءوز ءىسىن باستايمىن دەگەن  2 339 ازاماتقا  6,6 ملرد.تەڭگە  كولەمىندە  نەسيە بەرىلگەن.