قىزىلوردادا "نۇر وتان" پارتياسىنىڭ كۇنى اتالىپ ءوتىلدى

1 ناۋرىز كۇنى «نۇر وتان» پارتياسىنىڭ قىزىلوردا وبلىستىق فيليالىندا پارتيانىڭ قۇرىلعانىنا 18 جىل جانە العىس ايتۋ كۇنىنە وراي سالتاناتتتى جيىن ءوتتى. وبلىس اكىمى, وبلىستىق پارتيا فيليالىنىڭ توراعاسى قىرىمبەك كوشەرباەۆ نۇروتاندىقتاردى مەرەكەسىمەن قۇتتىقتادى. - «نۇر وتان» پارتياسى العاشقى قۇرىلعان كۇننەن باستاپ تىڭ باستامالار كوتەرىپ, جاۋاپتى شەشىمدەر قابىلداۋعا ۇيىتقى بولۋمەن قاتار ەلمەن ەتەنە قايناسىپ, حالىقتىڭ مۇددەسىن جەتكىزىپ جۇرگەن بىردەن-ءبىر قوعامدىق ۇيىم. سوندىقتان ءبىز الداعى ۋاقىتتاردا دا ەلدىك بيىك ماقسات پەن حالىقتىڭ يگىلىگى جولىندا ايانباي ەڭبەك ەتۋگە, وتانىمىزدىڭ كۇش-قۋاتىن ەسەلەي بىلۋگە ءتيىستىمىز,- دەدى ق.كوشەرباەۆ. شارا بارىسىندا وبلىستا پرەزيدەنتتىك پارتيانى قۇرۋعا اتسالىسقان ساياسي ۇيىم ارداگەرلەرى «نۇر وتان» تاريحى تۋرالى ايتىپ, سونداي-اق قازىرگى قوعامداعى پارتيانىڭ ءرولى جايىنداعى ويلارىمەن ءبولىستى. وسى كۇنى «نۇر وتان» پارتياسىنىڭ قاتارىنا كىرگەن 9 ادامعا پارتيا بيلەتى, ساياسي ۇيىمنىڭ 9 بەلسەندى مۇشەسىنە وبلىس اكىمىنىڭ العىس حاتى تابىستالدى.