ەلباسى سەنىمىن اقتاۋعا ۇمتىلايىق

ەلباسىنىڭ جىل سايىنعى جولداۋ­لارىندا مەملەكەتتىڭ الەۋمەتتىك-ەكونو­ميكالىق الەۋەتىن ارتتىرۋ, ونىڭ قاۋىپ­سىزدىگىن نىعايتۋ, ەل ازاماتتارىنىڭ بوس­تان­دىقتارى مەن قۇقىقتارىنا كەپىلدىك بەرۋ, عىلىمدى وركەندەتۋ, حالىقتىڭ ءال-اۋقاتىن جاقسارتۋ سەكىلدى وزەكتى ماسە­لەلەردى شەشۋ جايى كورىنىس تاۋىپ كەلەدى. سوندىقتان دا بولار, پرەزيدەنت نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى بيىلعى جولداۋىن دا بارشا حالىق جىلى قابىلدادى. ءبىز دە ارىپتەستەرىمىزبەن بىرگە, مەملەكەت باسشىسى تاراپىنان قازاقستاننىڭ بولا­شاعىنا, قازاقستاندىقتاردىڭ مۇددە­لەرىنە قاتىستى ماسەلەلەر تەرەڭ قاراستىرىل­عان تاريحي قۇجاتتىڭ ءار جولىنداعى قاعيدات­تارمەن مۇقيات تانىسقان بولاتىنبىز. ەلباسىنىڭ بيىلعى جولداۋىندا بار­شا قازاق­ستاندىقتاردى بىرىكتىرگەن, ەل بولا­شاعىنىڭ ىرگەتاسىن قالاعان باستى قۇندىلىقتار اتاپ كورسەتىلگەن. حالىق­­ارالىق ساراپشىلاردىڭ ايعاقتاۋىن­شا, ۋاقىت سىنىنان وتكەن قازاقستان­نىڭ تاۋەلسىزدىگى باياندى بولدى, قوعامى­مىز­داعى ۇلتتار مەن ۇلىستار اراسىنداعى اۋىز­بىرلىك, بەيبىتشىلىك پەن كەلىسىم سال­تانات قۇرۋدا. ەلىمىزدە جوعارى رۋحا­نيات­قا نەگىزدەلگەن زايىرلى قوعام قالىپ­تاس­تى. ونىڭ ۇستىنە, مەملەكەتىمىز يندۋستريا­لاندى­رۋ مەن يننوۆاتسيالارعا نەگىزدەلگەن تۇراقتى ەكونوميكالىق ءوسىمدى قامتاماسىز ەتۋدە. سونداي-اق, ۇلتتىق قاۋىپسىزدىك جانە بۇكىلالەمدىك, وڭىرلىك ماسەلەلەردى شەشۋگە جاھاندىق تۇرعىدان اتسالىسىپ وتىرعان ەلىمىز بۇگىنگى تاڭدا جالپىعا ورتاق ەڭبەك قوعامىن قۇرۋعا باعدار تۇزەۋدە. قازاقستاندىقتار باسقا قونعان باق – تاۋەل­سىزدىكتى باياندى ەتۋ ۇدەرىسىنە ەلبا­سى­نىڭ باس بولىپ كەلە جاتقاندىعىن جادىدان شىعارماۋى كەرەك. مەملەكەت باسشىسىنىڭ حالىقارالىق قوعامداستىق مويىنداعان ەلىمىزدىڭ شاڭىراعى بيىك, كەرەگەسى بەرىك, تۋىرلىعى ءبۇتىن بولۋىن كوز­دەپ, سوعان بۇكىل اقىل-پاراساتىن, جىگەر, قايراتىن جۇمىلدىرىپ كەلە جات­قانى­نا, قۇداي قالاسا, بيىل 26 جىل تول­عالى وتىر. مىنە, وسى ۋاقىت ارا­لى­عىندا جارىق كورگەن ەلباسىنىڭ «قازاق­ستان-2030» ستراتەگياسى, «جالپىعا ورتاق ەڭبەك قوعامىنا قاراي 20 قادام», «قازاقستان-2050» ستراتەگياسى – قالىپ­تاسقان مەملەكەتتىڭ جاڭا ساياسي باعىتى» اتتى باعدارلامالارىنان تۋىندايتىن ءمىن­دەتتەردى جۇزەگە اسىرۋداعى ەل ۇكىمەتىنىڭ قولدانعان شارالارى قازاقستاننىڭ الەمدەگى باسەكەلەستىككە قابىلەتتى ەلۋ ەلدىڭ ساناتىنان تابىلۋىنا جانە حالىقارالىق قوعامداستىقتاعى بارىنشا وركەندەگەن وتىز ەلدىڭ قاتارىنان كورىنۋگە باتىل قادام جاساۋىنا مۇمكىندىك تۋعىزۋدا. ال ەلباسىنىڭ بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى كەڭ-بايتاق ەلىمىزدىڭ دامۋ جولدارىن ناقتىلاپ بەردى. ەلباسى الەم جاھاندانۋعا بەت بۇر­عان تۇستا بۇيىرعان تاۋەلسىزدىگىمىزدى نىعاي­ت­اتىن دا, ونى ودان ءارى باياندى ەتەتىن دە جاستار ەكەندىگىن ۇنەمى ايتىپ كەلەدى. سوعان بايل­انىستى ەلىمىز ەگەمەندىگىن العان ال­عاش­قى جىلداردىڭ وزىندە-اق تۋىنداعان الەۋمەتتىك-ەكونوميكالىق قيىندىقتارعا قاراماستان, قابىلەتتى, دارىندى جاستاردى «بولاشاق» باعدارلاماسى بويىنشا شەتەل اسىرىپ وقىتتى. ەندى, مىنە, ولار لەك-لەگىمەن ەلگە ورالىپ, مەملەكەتتىك بيلىك جۇيەسىنىڭ جاۋاپتى بۋىندارىندا, ەكونوميكا سالاسىنداعى قۇرىلىمداردا باسشىلىق تىزگىنىن قولعا الۋدا. بۇگىندە جاسى قىرىقتان اسقان بىزدەر بۇرىنعى ۋنيتارلىق-توتاليتارلىق جۇيە ىدىرار الدىندا عانا مەكتەپتى اياقتاپ, جوعارى وقۋ ورنىنىڭ تابالدىرىعىن ەندى عانا اتتاعان جاستار ەدىك. ەلباسىنىڭ باس بولۋىمەن جاس مەملەكەتىمىزدىڭ كونس­تي­تۋ­تسياسىن جازۋعا اتسالىسقان عالىم-زاڭ­گەرلەر ع.ساپارعاليەۆ پەن م.باي­ما­حانوۆ­تان ءدارىس الىپ, تاۋەلسىز ەلىمىزدىڭ زاڭ­نا­ماسىن وقىپ-ۇيرەندىك. ءالى دە ۇيرەنۋ ءۇستىن­دەمىز. ويتكەنى, جاھاندانۋ اياسى – وتە كۇر­دەلى ۇدەرىس. ۇزدىكسىز ىزدەنىپ, ءبىلى­مىڭ مەن بىلىگىڭدى ۇشتاپ وتىرماساڭ, وركە­نيەت كوشىنەن كەيىندەپ قالىپ قويۋىڭ ابدەن مۇمكىن. بۇل – ەلباسىنىڭ ارتقان سەنىمىن اقتاۋدى پارىزى سانايتىن ءار ادامنىڭ ۇدايى جادىندا بولاتىن قاعيدا. تەك سوندا عانا ول كىندىك قانى تامعان تۋىپ-وسكەن جەرىنىڭ تۇلەگى, ەگەمەن ەلدىڭ بەلسەندى ازاماتى رەتىندە ەلباسىنىڭ جولداۋلارىنان تۋىندايتىن مىندەتتەردى جۇزەگە اسىرۋعا ۇلەس قوسا الادى. دارحان جاباەۆ, قازاق ەكونوميكا, قارجى جانە حالىقارالىق ساۋدا ۋنيۆەرسيتەتىنىڭ اعا وقىتۋشىسى استانا