«اق جول» دەموكراتيالىق پارتياسى «ءححى عاسىرداعى الاشتىڭ اق جولى» جالپىۇلتتىق بايقاۋىنىڭ باستالعانىن جاريالادى.
بايقاۋ الاش قوزعالىسىنىڭ: الاش ۇلتتىق اۆتونومياسىنىڭ, «الاش» پارتياسىنىڭ جانە الاشوردا ۇكىمەتىنىڭ 100 جىلدىعىنا ارنالادى. بايقاۋدىڭ قورىتىندىلارى اتاۋلى كۇننىڭ قارساڭىندا وسى جىلدىڭ 5-13 جەلتوقسان ارالىعىندا شىعارىلادى, بۇل كۇندەرى وسىدان 100 جىل بۇرىن ورىنبور قالاسىندا ەكىنشى جالپىقازاق سەزى وتكەن.
بايقاۋدىڭ جۇلدەلىك قورى 4 ميلليون تەڭگەنى قۇرايدى.
«ءححى عاسىرداعى الاشتىڭ اق جولى» جالپىۇلتتىق بايقاۋىنىڭ جاڭارتىلعان شارتتارى مىناداي:
بايقاۋدىڭ باستى ماقساتى – قازاقستان قوعامىن جاڭعىرتۋدا «الاش» قوزعالىسىنىڭ شىعارماشىلىق مۇراسىن جانە پرينتسيپتىك كوزقاراستارىن تاراتۋ.
بايقاۋعا قاتىسۋعا الاش مۇراسىنا قىزىعۋشىلىق تانىتىپ, وسى تاقىرىپتا عىلىمي زەرتتەۋلەرمەن جانە پۋبليتسيستيكامەن اينالىسىپ جۇرگەن 18-35 جاس ارالىعىنداعى بارلىق, شەت ەلدەردەگى وتانداستارىمىزدى قوسا العاندا, ىزدەنۋشىلەر شاقىرىلادى.
بايقاۋ جۇمىستارى قازاق, ورىس جانە قازاقستاننىڭ باسقا ەتنوستارىنىڭ تىلدەرىندە قابىلدانادى. سونداي-اق, شەتەلدىك ىزدەنۋشىلەرگە وزدەرىنىڭ قالاعان ءتىلىن تاڭداۋ مۇمكىندىگى بەرىلەدى. بايقاۋدى ۇيىمداستىرۋشىلار بايقاۋ جۇمىستارىن مەملەكەتتىك تىلگە اۋدارادى.
بايقاۋ ءۇش كەزەڭنەن, ءتورت نوميناتسيا بويىنشا وتكىزىلەدى.
نوميناتسيالار:
1. كونستيتۋتسيالىق رەفورما جانە الاش قوزعالىسى قايراتكەرلەرىنىڭ ەڭبەكتەرىندەگى مەملەكەتتىك قۇرىلىس, دەموكراتيالىق قۇندىلىقتار ماسەلەلەرى.
2. الاش قوزعالىسى قايراتكەرلەرىنىڭ ەڭبەكتەرىندەگى ەكونوميكالىق كوزقاراستارىنىڭ وزەكتىلىگى, قوعامدى الەۋمەتتىك جاڭعىرتۋدىڭ ماسەلەلەرى جانە وسى يدەيالاردى قازىرگى زامانعى قازاقستاندا دامىتۋ;
3. الاش قوزعالىسى قايراتكەرلەرىنىڭ جۇمىستارىنداعى قازاقستاندىق قوعامنىڭ رۋحاني-مادەني جاڭعىرۋى ماسەلەلەرى جانە ولاردىڭ قازىرگى زامانعى قازاقستان ءۇشىن وزەكتىلىگى.
4. الاش قوزعالىسى تاريحىنداعى بەلگىسىز وقيعالار مەن جاڭا ەسىمدەر;
كەزەڭدەر: 1-كەزەڭ: جازباشا جۇمىستاردى (ەسسە, شىعارمالار) سىرتتاي ىرىكتەۋ. بايقاۋ جۇمىستارى 2017 جىلدىڭ 1 قازانىنا دەيىن قابىلدانادى. ۇسىنىلاتىن جۇمىستاردىڭ كولەمى 12 بەتتەن اسپاۋى ءتيىس.
جۇمىستاردى قابىلداۋ مەرزىمى اياقتالعاننان كەيىن بايقاۋدىڭ ارنايى قازىلار القاسى ەكى اپتانىڭ ىشىندە ءاربىر نوميناتسيا بويىنشا تۇسكەن ماتەريالداردىڭ سانى مەن ساپاسىنا وراي 10 ۇمىتكەرگە دەيىن ىرىكتەپ الادى, ولار ەكىنشى بەتپە-بەت كەزدەسەتىن پىكىرسايىس كەزەڭىنە قاتىسۋعا شاقىرىلادى.
2-كەزەڭ: 1-كەزەڭ جەڭىمپازدارىنىڭ بەتپە-بەت پىكىرتالاستارى. 1-كەزەڭنىڭ قورىتىندىلارى شىعارىلعاننان كەيىن ەكى اپتانىڭ ىشىندە وتكىزىلەدى. بەتپە-بەت كەزدەسەتىن پىكىرسايىستار بارىسىندا ۇمىتكەرلەر ءار نوميناتسيا بويىنشا ءوزىنىڭ بايقاۋ جۇمىسىن قورعايدى, ودان كەيىن سۇراقتارعا جاۋاپ بەرەدى, باسقا باياندامالاردى تالقىلاۋعا قاتىسادى. پىكىرتالاستار ءاربىر نوميناتسيا بويىنشا بولەك وتەدى.
پىكىرتالاستار قورىتىندىلارى بويىنشا ءار نوميناتسيادان 3 ۇمىتكەردەن فينالدىق ساتىعا – بايقاۋدىڭ 3 كەزەڭىنە قاتىسۋ ءۇشىن ىرىكتەلىپ الىنادى.
3-كەزەڭ: الاش قوزعالىسىنىڭ 100 جىلدىعى قارساڭىندا 5-13 جەلتوقسان ارالىعىندا «ءححى عاسىرداعى الاشتىڭ اق جولى» جالپىۇلتتىق كونفەرەنتسياسى اياسىندا وتكىزىلەدى. 2-كەزەڭنىڭ جەڭىمپازدارى بايانداما جاسايدى جانە سۇراقتارعا جاۋاپ بەرەدى. تالقىلاۋدىڭ قورىتىندىلارى بويىنشا بايقاۋدىڭ باستى ماراپاتتارىنىڭ يەگەرلەرىن ارنايى قازىلار القاسى انىقتايدى.
كونكۋرس ماتەريالدارى جەكە باسىلىممەن جاريالاناتىن بولادى.
جالپىۇلتتىق بايقاۋدىڭ جەڭىمپازدارى مەن لاۋرەاتتارى ءۇشىن كەلەسى سىياقىلار بەلگىلەنەدى:
1-كەزەڭدە بايقاۋدىڭ ەكىنشى كەزەڭىنىڭ قاتىسۋشىلارى انىقتالادى;
2-كەزەڭدە بايقاۋدىڭ فينالىنا – 3-كەزەڭگە وتكەن قاتىسۋشىلار انىقتالادى ء(ار نوميناتسيا بويىنشا 3 ۇمىتكەر). جازبا جۇمىستارى اۆتورلارىنىڭ ء(ار نوميناتسيا بويىنشا 7 ادامعا دەيىن, كەلەسى كەزەڭگە وتكەندەردەن باسقاسى) ارقايسىسى – 25 مىڭ تەڭگەمەن ماراپاتتالادى.
3-فينالدىق كەزەڭدە 4 نوميناتسيانىڭ ارقايسىسى بويىنشا جۇلدەلىك ورىندار بولىنەدى. ولارعا كەلەسى سىياقىلار بەرىلەدى:
ءبىرىنشى ورىن – 300 مىڭ تەڭگە;
ەكىنشى ورىن – 200 مىڭ تەڭگە;
ءۇشىنشى ورىن – 100 مىڭ تەڭگە.
بايقاۋدىڭ بارلىق قاتىسۋشىلارى گراموتالارمەن, العىس حاتتارمەن اتالىپ وتەدى.
ءار نوميناتسيا بويىنشا 1-ورىندى يەلەنگەن جەڭىمپازدارعا جالپىۇلتتىق «الاشتىڭ اق جولى بايقاۋىنىڭ لاۋرەاتى» توسبەلگىسى تابىستالادى.
بايقاۋدىڭ بەتپە-بەت پىكىرسايىستار كەزەڭدەرىنىڭ (2 جانە 3-كەزەڭدەر) قاتىسۋشىلارىنىڭ ءىسساپار شىعىندارىن «اق جول» قدپ تولەيدى.
1-كەزەڭگە قاتىسۋ ءۇشىن بايقاۋ جۇمىستارى «ءححى عاسىرداعى الاشتىڭ اق جولى» بەلگىسىمەن 010000 استانا قالاسى, سارىايشىق كوشەسى, 11-ءۇي, №5 كەڭسەسىنە «اق جول» قازاقستاننىڭ دەموكراتيالىق پارتياسى ورتالىق اپپاراتىنىڭ مەكەن-جايىنا نەمەسە alash_akzhol@mail.ru; akzholpress@mail.ru ەلەكتروندىق پوشتامەن جولدانادى.
