قانات يسلام WBO بەلبەۋى ءۇشىن ايقاسا ما؟

FightSpace جوباسىنىڭ نەگىزىن قالاۋشى گريگوري ستانگريت قازاقستاندىق بوكسشى قانات يسلامنىڭ ءبىرىنشى ورتا سالماقتاعى WBO تيتۋلى ءۇشىن جەكپە-جەك وتكىزۋ جايلى پىكىر ءبىلدىردى. بۇل تۋرالى vesti.kz حابارلادى. بۇعان دەيىن ءبىرىنشى ورتا سالماقتاعى WBO تيتۋلىنىڭ يەگەرى مەكسيكالىق ساۋل الۆارەس وتانداسى كىشى چاۆەسپەن ايقاسىنان كەيىن سالماعىن اۋىستىرىپ, بەلبەۋىن قالدىراتىنىن مالىمدەگەن. «قانات يسلامنىڭ وسى اتاق ءۇشىن ايقاساتىندىعى ونىڭ كومانداسىنا بايلانىستى بولماق. بەلبەۋ بوس تۇرعاندا سىنعا تۇسكىسى كەلەتىندەردىڭ قاتارى ارتاتىنى انىق. قاناتتىڭ دەڭگەيىن مىقتىلارمەن ايقاسقان كەزدە عانا بىلەمىز», – دەدى گريگوري ستانگريت. ايتا كەتەيىك, قازاقستاندىق بوكسشى بىرەر اپتا بۇرىن برازيليالىق روبسون ءاسسيستى ءبىرىنشى راۋندتا-اق سۇلاتىپ تۇسىرگەنىنەن كەيىن ساۋل الۆارەستى, ميگەل كوتتونى جەكپە-جەككە شاقىرعان. ال رەسەيدىڭ «ماتچ تۆ» تەلەارناسىنىڭ جۋرناليستەرى قاناتتىڭ ۇزدىكتەرمەن ايقاساتىن كەزى كەلگەنىن ايتقان بولاتىن.