قىستىڭ سوڭعى كۇنىندە ەلورداداعى «الاۋ» مۇز ايدىنىندا بۇقارالىق اقپارات وكىلدەرى اراسىندا وليمپيادا ەرەجەسى بويىنشا ەرلەر مەن ايەلدەر اراسىندا 100 مەتر قاشىقتىقتا كونكي تەبۋدەن جارىس ءوتتى.
العاش بولىپ مۇز ايدىنىنا نازىك جاندىلار شىقتى. سەگىز جۇپ ءوزارا باق سىناعانمەن, ۋاقىت بويىنشا بۇرىن كەلگەن التاۋى ەكىنشى كەزەڭگە جولداما الدى. شەشۋشى كەزەڭدە مارە سىزىعىن 20.63 سەكۋند كورسەتكىشپەن اياقتاعان «توي دۋمان» تەلەارناسىنىڭ ءتىلشىسى ارايلىم قۇلماعانبەتوۆا ءبىرىنشى ورىنعا يە بولسا, «قازاقستان» ۇلتتىق ارناسىنىڭ قىزمەتكەرى ءمولدىر اسىلبەكوۆا 22.54 سەكۋندتا كەلىپ, ەكىنشى ورىنعا تۇراقتادى. ۇزدىك ۇشتىكتى ۇلتتىق ارنانىڭ تاعى ءبىر ءجۋرناليسى اسەم سەرىكباي 23.00 سەكۋندپەن تۇيىندەدى.
ناعىز باسەكە ەرلەر اراسىندا ءوتتى. توعىز جۇپ ءوزارا مىقتىلاردى انىقتاعاننان كەيىن اقتىق سىنعا التى ادام شىقتى. مۇندا 14.95 سەكۋندپەن ۇزدىك كورسەتكىشكە يە بولعان «قازاق تۆ» ءتىلشىسى ارداق ساتپاەۆ جارىستى ءبىرىنشى ورىنمەن اياقتادى. ال 100 مەتردى 15.26 سەكۋندتا باعىندىرعان «ۇلتتىق مۋزەي» قىزمەتكەرى دوسجان ىسقاقوۆ ەكىنشى ورىنعا يە بولدى. ۇشتىكتى «ەگەمەن قازاقستان» گازەتىنىڭ ءتىلشىسى ايان ءابدۋالي 16.57 سەكۋندپەن قورىتىندىلادى.
تىلشىلەر اراسىنداعى جارىستى «الاۋ» مۇز ايدىنى مەن «رەسپۋبليكالىق راديو» جشس بىرلەسىپ ۇيىمداستىردى. ءداستۇرلى تۋرنير وسىمەن ەكىنشى جىل وتكىزىلىپ وتىر. شارا بىلتىر «شالقار» ۇلتتىق راديوسىنىڭ 50 جىلدىعىنا وراي العاش رەت ۇيىمداستىرىلعان بولاتىن.
