مەحانيكا مەن ماشيناتانۋداعى ماڭىزدى ماسەلەلەر

الماتىداعى «عىلىم ورداسى» عيماراتىندا «اكادەميك ءو.جول­داس­­بەكوۆ اتىنداعى مەحانيكا جانە ماشيناتانۋ ينستيتۋ­تى» ەل­باسى جولداۋىن ىسكە اسىرۋ ماقساتىندا كوپشىلىك الدىندا ەسەپ بەردى. اتالمىش ينستيتۋتتىڭ باس دي­­رەك­تورى, اكادەميك امان­دىق تولەشوۆ بايان­داماسىن ينس­تي­ت­ۋت­­تىڭ عىلىمي-تەح­ني­كا­لىق باع­دا­ر­لامالارىن قار­جى­لان­دى­رۋ­دىڭ, ينستيتۋت قىز­مەت­كەر­لە­رىنىڭ وتاندىق جانە شەت­ەل­دىك رەيتينگى جوعارى جۋر­نال­دار­داعى عى­لى­مي ماقا­لا­لارى مەن پاتەنتتەرىنىڭ 2012-2017 جىلدار ارالىعىنداعى مو­ني­­تور­ين­گ­­تىك كورسەتكىشتەرىنەن با­س­تا­دى. سونىمەن قاتار, وسى جۋر­نال­­­­داردا جا­ريالانعان ما­شي­نا جا­­ساۋ جانە روبوت-تەحنيكا سا­لا­لا­رىنداعى گرانتپەن قار­جى­لان­­­دىرىلعان 4 جوبانىڭ اي­تار­لىق­­تاي ناتيجەلەرىن اتاپ ءوتتى. جيىندا مەحانيكا جانە ماشيناتانۋ ينستيتۋتىنىڭ 2017 جىلعا جوس­پار­لان­عان جاڭا جوبالارى مەن سترا­تە­گيالىق ماق­ساتتارى اي­تىلدى. سول سياقتى, ينستيتۋتتىڭ «جۇك­­­­ت­ەۋ-جۇكسىزدەۋ جانە كولىك وپە­­­­را­تسيا­لا­رىنىڭ اۆتوماتتان­دى­­رۋ ماق­سا­تى­مەن كو­تەر­گىشى با­ر ءموبيلدى روبوت­تىڭ ءتا­جى­­ري­بە­لىك ءوندىرىسىن جانە وڭدەۋ تەح­نو­لوگياسىن جاساۋ» جانە «تۇر­­عىن اۋ­دانى كوپ قاباتتى عي­ما­راتتاردى جى­لىتۋ جانە ىس­تىق سۋ­­مەن قامتۋ ماق­سا­تى­مەن جا­سال­عان كۇن جىلۋ ەنەرگياسىن شو­­عىر­­لاندىرۋ تەحنولو­گياسى» اتتى جو­­­بالارى كوممەر­تسيا­لان­دى­رۋ­عا گرانت­تار ۇتىپ العان. ينستيتۋت جەتەكشىسى گەومە­حا­­نيكا ءما­سە­لەلەرى, دەفور­ما­تسيا­­لانعان قاتتى دەنە مەحانيكا­سى جانە تاۋ جىنىسى, جەراس­تى قۇ­رى­لىستارىنىڭ ەسەپتەۋ ءادى­­­سىن ءازىر­لەۋ, مەحانيزمدەردى, ما­شي­­­نا­­لاردى, مەحاتروندى جانە رو­بو­­تو­تەح­ني­كالىق جۇيەلەرىن, كوپفۋنكتسيالى بەيىمدى مە­حا­نيز­م­دەردى ازىرلەۋ جانە جو­بالاۋ, ماشي­نا, روتورلىق جۇيەلەر, ۆيب­را­­تسيالىق تەحنيكا جانە سوقپا مە­حا­نيزمدەر ديناميكاسى, كۇر­دە­لى مە­حانيكالىق جۇيەلەرى مەن پرو­تسەس­­تەردىڭ ۆيرتۋالدى جانە ساندى ءۇل­­گىلەۋ سياقتى نە­گىزگى عىلىمي با­­عىتتارىن اتاپ ءوتتى. سو­نىمەن قا­تار, بىرنەشە سالادا عى­لى­مي-تەح­­نيكالىق باعدارلامالار قا­لىپ­تاستىرۋ جوسپارىن ۇسىندى. ايناش ەسالي, «ەگەمەن قازاقستان» الماتى