ۇيىممەن سىندارلى ىنتىماقتاستىققا ءازىر

پارلامەنت سەناتى توراعاسىنىڭ ورىنباسارى بەكتاس بەكنازاروۆ ەقىۇ دەموكراتيالىق ينستيتۋتتار مەن ادام قۇقىقتارى جونىندەگى بيۋروسىنىڭ (دياقب) ءدىني ەركىندىك نەمەسە سەنىم ماسەلەلەرى جونىندەگى اعا كەڭەسشى كيشان مانوچامەن كەزدەستى. ك.مانوچانىڭ ساپارى ورتالىق ازيا ايما­عىن­داع­ى ءدىني ەركىندىك پەن سەنىمدى ىلگەرىلەتۋ ارقىلى قاۋ­ىپسىزدىك پەن الەۋمەتتىك توپتاسۋعا جاردەمدەسۋ جونىندەگى دياقب جوباسىن ىسكە اسىرۋعا بايلانىس­تى جاسالىپ وتىر. مەيمانمەن كەزدەسۋدە ب.بەكنازاروۆ بۇل جو­بانىڭ ەرەكشە ماڭىزىن اتاپ ءوتىپ, ءبىزدىڭ ەلى­مىز­دە قالىپتاسقان ۇلتارالىق جانە دىنارالىق كە­­­لىسىم ۇلگىسى تۋرالى حاباردار ەتتى. سەنات ءتو­را­عا­سى­نىڭ ورىنباسارى: «تولەرانتتىلىق پەن كە­م­سىت­پەۋ­شى­لىك­تەر قاعيداتتارى كوپۇلتتى قازاق­ستان­ ءۇشىن اسا ما­ڭىزدى», – دەپ اتاپ ءوتتى. ب.بەكنازاروۆ پرەزيدەنت نۇرسۇلتان نازار­باەۆ­­­تىڭ الەمدىك جانە ءداستۇرلى دىندەر كوش­باس­شى­لارىنىڭ سەزىن شاقىرۋ تۋرالى باستاماسى قار­قىندى ىسكە اسىپ كەلە جاتقانىن جەتكىزدى. وعان ءتۇر­لى ءدىن وكىلدەرى عانا ەمەس, الەمدىك اۋقىمداعى ساياسي قايراتكەرلەر, بەدەلدى حالىقارالىق ۇيىم­دار­دىڭ, مەملەكەتتەر مەن ۇكىمەتتەردىڭ باسشىلارى ارنايى كەلىپ, قاتىسىپ ءجۇر, دەدى ب.بەكنازاروۆ. ك.مانوچا ءوز كەزەگىندە الەمدىك جانە ءداستۇرلى ءدىن­دەر جەتەكشىلەرىنىڭ فورۋمىنا قاتىسا وتىرىپ, قازاقستان باسشىلىعىنىڭ تولەرانتتىلىق پەن ءتۇر­لى دىندەردىڭ ءوزارا تۇسىنىستىگىن ىلگەرىلەتۋدەن اينى­ماي­تىنىنا كوزى جەتكەنىن ايتتى. ەقىۇ دياقب وكىلى, سونداي-اق, ۇلتتىق, ءتىل مەن كونفەسسيالىق الۋان­دىقتى ساقتاۋ جونىندەگى قازاقستان جۇرگىزىپ كە­لە جاتقان ساياساتقا زور ىقىلاس ءبىلدىردى. اڭگىمە با­رىسىندا 2011 جىلى قابىلدانعان «ءدىني قىز­مەت ءجا­نە ءدىني بىرلەستىكتەر تۋرالى» زاڭدى ىسكە اسى­رۋ­دىڭ جەكەلەگەن ماسەلەلەرىمەن تاياۋدا قۇ­رىلعان ءدىن ىستەرى جانە ازاماتتىق قوعام مي­ني­ستر­لىگىنىڭ قىز­مەتى تالقىلاندى. كەزدەسۋ بارىسىندا ءدىني توزبەۋشىلىككە, ەكس­ترەميزم مەن تەرروريزمگە قارسى ءىس-قيمىل ءما­سە­ل­ەلەرىنە ەرەكشە نازار اۋدارىلدى. سەنات ءتو­ر­اعا­سىنىڭ ورىنباسارى «كەز كەلگەن نانىم-سە­نىم نەگىزىنىڭ بۇرمالانباۋى, ءدىننىڭ ساياسات پەن يدەو­لو­گيا­نىڭ قۇرالىنا اينالماۋى ءتيىس» ەكەنىن اتاپ كور­­سەتتى. اڭگىمەنى اياقتاي كەلىپ, ب.بەكنازاروۆ قا­­زاق­ستاندىق پارلامەنتشىلەردىڭ بىرلەسكەن جو­با­­لاردى ىسكە اسىرۋ اياسىندا ەقىۇ دياقب-مەن سىن­دارلى ىنتىماقتاستىققا ءازىر ەكەنىن ناق­تىلادى.