ۇلتتىق بانك بجزق جانىنداعى قوعامدىق كەڭەسپەن كەزدەستى

27 اقپاندا قر ۇلتتىق بانكىندە بجزق قوعامدىق كەڭەسى مۇشەلەرىنىڭ قرۇب توراعاسىنىڭ ورىنباسارى عالىمجان پىرماتوۆپەن جانە «بجزق» اق-تىڭ باسقارما توراعاسى ن. ناۋرىزباەۆامەن, سونداي-اق قرۇب جانە بجزق وكىلدەرىمەن كەزدەسۋى ءوتتى. ع. ءپىرماتوۆ تاۋەلسىز كونسۋلتاتيۆتىك-كەڭەسشى ورگان – بجزق جانىنداعى قوعامدىق كەڭەستى قۇرۋ ماڭىزدىلىعىن اتاپ ءوتتى. «سالىمشىلار مەن الۋشىلاردىڭ, قارجى ساراپشىلارىنىڭ, سونداي-اق زەينەتاقى سالاسىنداعى ۇدەرىستەردى جاريا ەتەتىن جۋرناليستەردىڭ پىكىرى اسا ماڭىزدى. ولاردىڭ نەگىزىندە جيناقتاۋشى زەينەتاقى جۇيەسىن جەتىلدىرۋ, بىرىڭعاي جيناقتاۋشى زەينەتاقى قورى جۇمىسىنىڭ ايقىندىلىعىن ارتتىرۋ جونىندەگى ۇسىنىستار ازىرلەنەدى», - دەدى ع. ءپىرماتوۆ. ءوز كەزەگىندە, ن. ناۋرىزباەۆا بجزق قىزمەتىنىڭ جوعارى اشىقتىعىنا قول جەتكىزۋدىڭ, قور سالىمشىلارىمەن جانە زەينەتاقى تولەمدەرىن الۋشىلارمەن تۇراقتى ءتيىمدى اقپاراتتىق جانە كوممۋنيكاتسيالىق ارنانى قالىپتاستىرۋدىڭ ءبىرىنشى كەزەكتى ءمانىن اتاپ ءوتتى. «بجزق جۇمىسىنىڭ نەگىزگى قاعيداتى وزگەرىسسىز قالادى – بۇل قور سالىمشىلارىنىڭ جانە زەينەتاقى تولەمدەرىن الۋشىلاردىڭ مۇددەلەرىن قورعاۋ», - دەدى ول. ۇلتتىق بانكتىڭ جانە بجزق-نىڭ وكىلدەرى كەزدەسۋگە قاتىسۋشىلارعا زەينەتاقى اكتيۆتەرىن باسقارۋ بويىنشا جۇرگىزىلەتىن جۇمىس پەن زەينەتاقى سەكتورىنداعى اعىمداعى احۋال تۋرالى قىسقاشا ايتىپ بەردى, سونداي-اق بجزق جانىنداعى قوعامدىق كەڭەستىڭ بىرقاتار سۇراقتارىنا جاۋاپ بەردى. تاراپتار پىكىرلەرىمەن الماستى, بىرىڭعاي اقپاراتتىق كەڭىستىكتە جيناقتاۋشى زەينەتاقى جۇيەسىنىڭ جۇمىس ىستەۋ قاعيداتتارىن ءتۇسىندىرۋ جانە زەينەتاقى جۇيەسىنىڭ قىزمەتىن جەتىلدىرۋ جونىندە سەرپىن بەرۋ ءۇشىن ودان ءارى ءوزارا ارەكەتتەسۋ شەڭبەرىندە وسىنداي كەزدەسۋلەر وتكىزۋدىڭ تيىمدىلىگىن اتاپ ءوتتى. بجزق جانىنداعى قوعامدىق كەڭەس ساراپشىلاردىڭ, قوعامدىق ۇيىمدار مۇشەلەرىنىڭ, بجزق سالىمشىلارىنىڭ, الۋشىلارىنىڭ, بۇقارالىق اقپارات قۇرالدارىنىڭ ەرىكتى تۇردە قاتىسۋىنىڭ نەگىزىندە 2017 جىلعى اقپاندا قالىپتاستىرىلعانىن ەسكە سالامىز. ساياساتتانۋشى دوسىم ساتباەۆ كەڭەستىڭ توراعاسى, بەلگىلى جۋرناليست الەۆتينا دونسكيح ونىڭ ورىنباسارى بولىپ سايلاندى.