مارس عالامشارىنىڭ سيرەك كەزدەسەتىن فوتوسى جاريالاندى

اقش-تىڭ اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى (ناسا) مارس عالامشارىنىڭ سيرەك كەزدەسەتىن ءساتىن فوتوعا ءتۇسىردى. بۇل سۋرەت nasa.gov سايتىندا جاريالاندى. وسى سۋرەتكە قاراپ عالىمدار مارستىڭ بەتكى قاباتى ۇساق تۇيىرشەك زاتتارعا تولى بولۋى مۇمكىن دەگەن بولجام جاسادى. سونداي-اق, مامانداردىڭ پىكىرى بويىنشا تۇيىرشەك زاتتاردىڭ استىندا سيرەك كەزدەسەتىن, باعالى مينەرالدار بولۋى مۇمكىن. سۋرەتتە قۇم توبەنىڭ دە بارى بايقالادى. «تۇستەرى ويپاتتاردىڭ پىشىنىنە سايكەس قانىق بولا تۇسەدى», – دەيدى عالىمدار. جاڭا فوتو مارستى زەرتتەۋ ءۇشىن قۇرىلعان Mars Reconnaissance Orbiter عارىش كەمەسىنىڭ بورتىنداعى High Resolution Imaging Science Experiment (HiRISE) كامەراسى ارقىلى ءتۇسىرىلدى. ناسا-نىڭ ساراپشىلارى 2020 جىلى عارىش كولىگىن ءتۇسىرۋ ءۇشىن ىڭعايلى ورىنداردى قاراستىرىپ وتىر. اقپان ايىنىڭ باسىندا قىزىل عالامشاردىڭ ءۇش بولىككە ءبولىپ تۇسكەن فوتوسىن جاريالادى. ماماندار سولتۇستىك-شىعىسىنداعى ۇلكەن سيرت, ەجەرو كراتەرى جانە حيللز كولۋمبياسىنىڭ ورىندارى ىڭعايلى دەگەن بولجام جاساپ وتىر.