«امانات» سىيلىعى – لايىقتىلار ءۇشىن

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «امانات» قوعامدىق سىيلىعىن تاعايىنداۋ جونىندەگى قوعام وكىلدەرى كەڭەسىنىڭ العاشقى وتىرىسى ءوتتى. حالىقارالىق «G-Global» حاتشىلىعىنىڭ قولداۋىمەن, «ادامداردىڭ ەلەۋلى جەتىس­تىكتەرى» قوعامدىق قورىنىڭ ۇيىمداستىرۋىمەن قولعا الىنعان «امانات» سىيلىعىن تاعايىنداۋ ىسىنە ارنالعان جيىنعا مەملەكەت جانە قوعام قايراتكەرلەرى, ۇكىمەتتىك ەمەس ۇيىمدار وكىلدەرى جانە جاستار قاتىستى. باسقوسۋدى اشقان حا­لىق­ارالىق «G-Global» حات­شىلىعىنىڭ جەتەكشىسى سەرىك نوگەربەكوۆ اتالعان سىي­لىقتىڭ ءمان-ماڭىزىنا توقتالا كەلىپ, وسى ورايداعى جۇمىستى ءارى قاراي الىپ ءجۇرۋ ءۇشىن ارنايى كەڭەس قۇرىلعانىن جەتكىزدى. سونداي-اق, ول وسى كەڭەستىڭ توراعاسى ەتىپ ەلىمىزگە تانىمال تۇلعا مىرزاتاي جولداسبەكوۆتى ۇسىندى. جي­ىنعا قاتىسۋشىلار ونىڭ كانديداتۋراسىن ءبىر­اۋىزدان قولدادى. ءوز كەزەگىندە م.جولداس­بەكوۆتىڭ اتالعان باستامانىڭ ماڭىزدىلىعىن, سىيلىقتىڭ «امانات» دەپ اتالۋىنىڭ وزىندە ۇلكەن ءمان-ماعىنا بار ەكەنىن ءسوز ەتتى. بۇعان قوسا, ول بۇل باستالعان ءىستى سوڭىنا دەيىن جەتكىزىپ, ونىڭ ەل الدىندا بەدەلدى سىيلىق بولۋىن قامتاماسىز ەتۋدىڭ قاجەتتىلىگىن ايتتى. م.جولداسبەكوۆتىڭ ايتۋىنشا, بۇل سىيلىق ءبىرىنشى كەزەكتە مەملەكەت باسشىسى نۇرسۇلتان نازارباەۆقا تاپسىرىلۋى كەرەك. ويتكەنى, كەشەگى بابالارىمىزدىڭ اماناتىن ورىنداۋدا ەلباسىنىڭ ەڭبەگى ولشەۋسىز. قوعام قايراتكەرى جەكەن قالي ۇلى اتالعان باستامانىڭ قولعا الىنۋى وتە دۇرىس ەكە­نىنە, بۇل سىيلىق ناعىز لايىق­تىلارعا عانا بەرىلۋى تيىستىگىنە نازار اۋداردى. جيىن بارىسىندا ءماجى­لىس دەپۋتاتى ب.سماعۇل, «ال­تىن ساپا» سىيلىعىنىڭ يەگەرى, ەتنوديزاينەر ىرزا تۇر­سىنزادا, «ادامداردىڭ ەلەۋلى جەتىستىكتەرى» قوعامدىق قورىنىڭ پرەزيدەنتى زاۋرە بەيىسوۆا جانە تاعى باسقالار ءسوز سويلەپ, «امانات» سىيلىعى جانە ونىڭ اتالىمدارىنا قا­تىستى ءوز ويلارىن ورتاعا سالدى. قوعامدىق كەڭەس وكىلدەرىنىڭ كەزدەسۋىندە ءمالىم بولعانداي, 1 ناۋرىزدان باستاپ «امانات» قوعامدىق سىيلىعىنا ءۇمىت­كەرلەردىڭ وتىنىشتەرى قابىل­دانا باستايدى. ماراپات 7 اتالىم بويىنشا تابىستالادى. ءار وڭىردەگى قوعام وكىلدەرى سىيلىققا لايىقتى ازاماتتاردى ۇسىنا الادى. ال ۇزدىكتەردى مەملەكەت قايراتكەرلەرى, جازۋ­شىلار, اقىندار مەن عالىم­داردان قۇرالعان قازىلار القا­سى تاڭدايدى. سىيلىقتى تابىس­تاۋ سالتاناتى تامىز ايىندا وتەدى دەپ كۇتىلۋدە. ايتا كەتەيىك, تاياۋدا عانا تاعايىندالعان «امانات» قوعامدىق سىيلىعى ەلىمىزدىڭ الەۋمەتتىك-ەكونوميكالىق ءارى قوعامدىق ومىرىنە ەلەۋلى ۇلەس قوسقان جانە قىزمەتى جاسامپاز ەڭبەككە, يگىلىك پەن اقىل-پاراساتقا نەگىزدەلگەن ادامداردى كوتەرمەلەۋگە ارنالعان. وعان «ادامداردىڭ ەلەۋلى جەتىستىكتەرى» قو­عامدىق قورى باستاماشى بولىپ وتىر. جولدىباي بازار, «ەگەمەن قازاقستان»