«التىن سامۇرىق» جۇلدەسى تاپسىرىلدى

جۋرناليستەردىڭ اراسىندا ۆالەري جانداۋلەتوۆتى بىلمەيتىندەر كەمدە-كەم. بۇكىل ءومىرىن بۇقارالىق اقپارات قۇرالدارىنا ارناعان ۆالەري ايتمۇقاش ۇلى سوڭعى 25 جىلدا ۇزدىكسىز قازاقستان پرەزيدەنتىنىڭ ءباسپاسوز قىزمەتىندە جاۋاپتى قىزمەت اتقارىپ قانا قويماي, مەملەكەت باسشىسى ءباسپاسوز قىزمەتىنىڭ قالىپتاسۋىنىڭ باسى-قاسىندا بولدى. تاۋەلسىزدىك بەدەرىندە ەلدىڭ بەدەلىنە جۇمىس ىستەدى. مەرزىمدى ءباسپاسوزدىڭ ماسەلەلەرىنە قاتىستى قالام تەربەپ, كىتاپتار شىعاردى. قوعامدىق ومىرگە بەلسەنە ارالاستى. ءبىر سوزبەن ايتقاندا, وتاندىق ءباسپاسوزدىڭ دامۋىنا ءبىر كىسىدەي ەڭبەك ءسىڭىردى. جاقىندا الماتىداعى قازاقستان ءباسپاسوز كلۋبىندا قازاقستان جۋرناليستيكا اكادە­مياسىنىڭ «التىن سامۇرىق» جۇلدەسى سالتاناتتى تۇردە تابىس­تالىپ, اتالمىش اكادەميا اكادەميكتەرى بيىل بۇل ءجۇل­دەگە ءبىراۋىزدان ۆالەري جان­داۋلەتوۆ لايىقتى دەپ تاپقان. ول كىسىنىڭ قاتىسۋىمەن تاماشا دەرەكتى فيلمدەر مەن يۋ.سەنكەۆيچتىڭ «ساياحاتشىلار كلۋبى» تەلەباعدارلاماسىنىڭ سەريالارى تۇسىرىلگەنىن ايتۋعا بولادى. جارتى عاسىرعا جۋىق جۋر­ناليستەر وداعىنىڭ مۇشەسى بولعان ارىپتەسىمىز – بۇگىندە رەسپۋب­ليكالىق جۇيەلى ساراپتاما جانە بولجاۋ ورتالىعىندا ساراپ­شى, بىلگەن-تۇيگەنىن جۋرنا­ليستيكانىڭ كەيىنگى بۋىنىمەن ءبولىسىپ جۇرگەن تالىمگەر تۇلعا. ايناش ەسالي, «ەگەمەن قازاقستان» الماتى