زەرەندىدەگى جاڭا ەمحانا جۇمىس ىستەمەي تۇر

زەرەندى اۋدانىنداعى اۋىسىمىنا 250 ادامعا دەيىن قابىلداي الاتىن قۇنى 1,5 ميلليارد تەڭگەگە باعالانعان مەديتسينالىق مەكەمە وتكەن جىلدىڭ ءبىرىنشى توقسانىندا سالتاناتتى تۇردە اشىلعان بولاتىن. الايدا, اۋداندىق اكىمدىك حابارلاعانداي, كەلىسىمشارتتىڭ تولىق جۇزەگە اسپاۋىنان بۇگىندە ەمحانا جۇمىس ىستەمەي تۇر. ياعني, مەردىگەردىڭ ءوز كەلىسىم­شارتتىق مىندەتتەمەسىن ورىنداماۋىنان تەحنولوگيالىق قۇرال-جاب­دىقتار دەر كەزىندە جەتكى­زىلمەگەن. ازىرگە اتالعان كوم­پا­نيا قاجەتتى قۇرال-جابدىق­تاردىڭ تەك 22 پايىزىن عانا جەت­كىزىپتى. سوندىقتان دا, وب­لىس­­تىق قۇرىلىس باسقارماسى مە­دي­تسينالىق مەكەمەنى وبلىستىق دەن­س­اۋلىق ساقتاۋ باسقار­ماسى­نىڭ قۇزىرەتىنە وتكىزە الماي وتىر. سەبەبى, قابىلداپ الۋ اكتىسى بو­ل­ماعان جاعدايدا ەمحانا ءوز جۇ­مىسىن باستاي المايدى. وسىعان وراي وتكەن جىلى وبلىستىق قۇرىلىس باسقارماسى «استانا-اۆتوستروي» جشس قۇرى­لىس كومپانياسى ۇستىنەن شاعىم­دانىپ, جەتكىزىلىپ بەرمەگەن تەح­نولوگيالىق قۇرال-جابدىق­تار­دىڭ قۇنىن وندىرمەك بولعان ەدى. بۇل تالاپ اقمولا وبلىسى اۋ­دان­ارالىق مامانداندىرىلعان ەكو­نو­ميكالىق سوتى تاراپىنان قان­اعاتتاندىرىلعانىن ايتا كەتۋ كەرەك. ەگەر مەردىگەر كەلىسىم­شارت­تا كورسەتىلگەن مىندەت­تەمە­لەرىن ورىندايتىن بولسا, ەمحانا ءوز جۇمىسىن باستايتىن بولادى. ازىرگە بۇل ماسەلە شەشىمىن تاپپاي تۇر. اسقار تۇراپباي ۇلى, «ەگەمەن قازاقستان» اقمولا وبلىسى