...جاقسىلىعىن جەتكىزەدى
اۋدان اباتتانىپ كەلەدى
شۋ ءوڭىرى – ەگەمەن ەلىمىزدەگى بەرەكەلى, مەيىرماندى كوپ ۇلتتان تۇراتىن ۇلكەن ءبىر وتباسىنداي تاتۋ-ءتاتتى گۇلدەنگەن اۋداننىڭ ءبىرى. توعىز جىلدىڭ تورابىنداعى قاسيەتتى ءوڭىر جىلدان-جىلعا قاناتىن جايىپ وركەندەۋ ۇستىندە. شۋ قالاسى مەن اۋدان ورتالىعىندا جاڭا كوشەلەر بوي تۇزەپ, ەكى ەلدى مەكەن ءبىر-بىرىنە قوسىلىپ كەتتى. وڭىرىمىزدە الىپ حيميا پاركى بوي كوتەرۋدە. ول ىسكە قوسىلعاندا 1500-2000 ادام جۇمىسپەن قامتىلادى. سونداي-اق, قىتايعا جەتكىزىلىپ جاتقان گاز قۇبىرىنان اۋدان كولەمىنە كوگىلدىر وتىن تارتىلىپ يگىلىگىمىزگە اسىپ جاتىر. پايداسى كول-كوسىر اۋرۋعا مىڭدا ءبىر ەمدىك قاسيەتى بار ميا وڭدەۋ زاۋىتى ىسكە قوسىلدى. وسىمدىك مايىن شىعاراتىن, مۇناي وڭدەيتىن, ءسۇت ونىمدەرىن شىعاراتىن كاسىپورىندار جۇمىس ىستەۋدە. اۋدانىمىزدا ءتورت ت ۇلىك مال باسى كوبەيىپ, جەردى ءتيىمدى پايدالانۋ ارقىلى كوپتەپ ءونىم الىنۋدا. ەلگە قىزمەت كورسەتەتىن مادەني شارا, ءبىلىم بەرۋ, دەنساۋلىق, جۇمىسپەن قامتۋ مەكەمەسىندە كوپتەن ىستەيتىن, ءوز جۇمىستارىنا وتە سەرگەك قارايتىن ماماندار بارشىلىق. ءار مامان وزدەرىنە سەنىپ بەرگەن جۇمىستارىن تياناقتى اتقارسا ەلىمىزدىڭ دامىعان 30 ەلدىڭ ىشىنەن نىق ورىن الارىمىز ايدان انىق. قوسشىعۇل ماشاحاەۆ, اقساقالدار القاسىنىڭ توراعاسى جامبىل وبلىسى, شۋ اۋدانى, بالۋان شولاق اۋىلى ...ۇلگى تۇتادىارداگەردىڭ باتاسىن الدى
ەلباسىنىڭ جولداۋىنداعى جاستار اراسىنداعى ءپاتريوتيزمدى دامىتۋ باعىتىن باسشىلىققا الىپ شەتپەدە جاستاردىڭ قايىرىمدىلىق ءىس-شاراسى وتكىزىلدى. ولار ماڭعىستاۋ اۋداندىق جاستار رەسۋرستىق ورتالىعىنىڭ ۇيىمداستىرۋىمەن شەتپەدەگى تىل جانە ەڭبەك ارداگەرى قارعاباي ەڭسەپبەرگەنوۆتىڭ ۇيىنە بارىپ تىنىس-تىرشىلىگىمەن تانىستى. شاراعا بەلسەندى جاستار مەن ەرىكتىلەر توبىنان قۇرالعان 20-عا جۋىق جاس جۇمىلدىرىلىپ, 90 جاسقا جاقىنداعان ارداگەردىڭ ءۇيىنىڭ الدىن, قورا, سارايىن قاردان تازالاپ قول كومەگىن سوزدى. ق.ەڭسەپبەرگەنوۆ جاستايىنان اۋداندىق سۋ شارۋاشىلىعى, كوممۋنالدىق قىزمەت سالاسىندا تابان اۋدارماستان 60 جىلعا جۋىق قىزمەت جاسادى. دالىرەك ايتقاندا, سۋ تاسۋشى, كولىك جۇرگىزۋشىسى قىزمەتىندە بولدى. بۇگىندە دەنساۋلىعىنا بايلانىستى توسەك تارتىپ جاتىر. كەمپىرى ءىزىمحان ەڭسەپبەرگەنوۆا زەينەتكەر. «بۇگىنگى شارانى ۇيىمداستىرۋعا مۇرىندىق بولعان جاستار ورتالىعىنا العىسىم شەكسىز. ءبىز سياقتى قاريالارعا كومەكتەسىپ ەسىك الدىن تازالاۋعا اتسالىسقانىنا راحمەتتەن باسقا ايتارىم جوق» – دەپ باتاسىن بەردى قارعاباي اقساقال. اللابەرگەن قونارباەۆ ماڭعىستاۋ وبلىسى, ماڭعىستاۋ اۋدانى ...دابىل قاعادىكiرمە سوزدەر وزiمiزدىكى بولىپ كەتپەسىن
انا تiلiنە ورىس ءسوزiن ارالاستىرماي سويلەيتiن قازاقتى مىنا زاماندا كەزدەستiرۋ – قيىننىڭ قيىنى. قيت ەتسە «پوتومۋ چتو», «كونەچنو», «ۆووبششە», «مولودەتس» دەپ سايراي جونەلەتiن قازاقتار كوبەيدi بۇگiندە. تiپتi, وسى بiر كiرمە سوزدەر اتا-باباسىنان قالعان مۇرا سەكiلدi. ول ول ما, تiلi ەندi شىعىپ كەلە جاتقان ءسابيدiڭ «ماما», «پاپا» دەپ جىلاعانىنا نە دەرسiز. بۇيتە بەرسەك, ورىستىڭ مىڭداعان ءسوزi قازاقتىڭ قانىنا سiڭiسiپ, ءوز سوزiندەي بولىپ كەتپەسiنە كiم كەپiل؟ كiرمە سوزدەر كۇن سايىن تiلiمiزگە توپەلەپ ەنە بەرسە, ەرتەڭ قازاقتىڭ تiلiن تازالاۋ قيىنعا سوعادى. قايسىسى قاي جاقتان ەنگەنiن ءوزiمiز دە بiلمەي وتىراتىن بولامىز. سوندىقتان قازiردەن باستاپ سويلەگەن سوزiمiزگە ءمان بەرiپ, ايتار كەزدە ويلانىپ, انا تiلiمiزدiڭ تازالىعىن ساقتاۋعا ايرىقشا ءمان بەرەيiك. ءو.پIستەبەك وڭتۇستiك قازاقستان وبلىسى, ماقتاارال اۋدانى ...العىس ايتادىءۇمىت وتى مازدادى
وتكەن جىلى وتباسىمىزعا اۋىر سىناق ءتۇستى. جاعدايىما قاراماستان قىزىلوردا مەن الماتى اراسىنا شاپقىلادىق. قىزىمنىڭ باسىنداعى اۋىرتپالىقتى جەڭۋ ءۇشىن بارىنە كونۋگە تۋرا كەلدى. پاتەر داۋى, اقشا داۋى, بالا داۋى باسىمىزدى اينالدىرىپ جىبەردى. قاتتى قينالدىق. جاسىم الپىستان اسقاندا ءدال وسىنداي تىعىرىققا تىرەلەمىن دەپ ويلاپپىن با؟ كۇدەرىمىز ءۇزىلىپ تۇرعان جەردە ءۇمىت وتى مازدادى. ول وتتى مازداتقان الماتىلىق بىلىكتى زاڭگەر-ادۆوكات ءجۇنىسباي ماقسۇت ۇلى قادىرحانوۆ ەدى. اللانىڭ قولداۋىمەن 3 رەت سوت بولدى. مۇنداي ايقاستى كىم كورگەن, مۇنداي تارتىستا كىمنىڭ جەڭەرىن, ۋاقىتتىڭ اقىرىنا دەيىن ادىلدىكتىڭ كىمنىڭ جاعىنا شىعارىن بىلمەيدى ەكەنسىڭ. قىسقاسىن ايتقاندا, ءدال وسى ازاماتتىڭ كومەگىمەن ءۇش سوتتا دا جەڭىپ شىقتىق. جانىمىزدى شۇبەرەككە ءتۇيىپ قينالىپ جۇرگەن اسا قيىن ساتتە قولۇشىن بەرىپ, ماسەلەنىڭ ءتۇيىنىن شەشىپ بەرگەن ءجۇنىسباي قادىرحانوۆقا انالىق زور العىستان باسقا ايتارىم جوق. نەسىبەلى وردانوۆا, كوپ بالالى انا, زەينەتكەر الماتى ...اسەرىمەن بولىسەدىكىتاپحانادا ونەگەلى كەش ءوتتى
دىنمۇحامەد احمەت ۇلى بابامىزدىڭ 105 جىل تولۋىنا وراي كوزى كورمەيتىن جانە ناشار كورەتىن ازاماتتارعا ارنالعان پاۆلودار وبلىستىق ارنايى كىتاپحاناسىندا ەسكە الۋ كەشى وتكىزىلدى. باسقوسۋدا قوناەۆتىڭ ءومىربايانى اڭگىمە ارقاۋىنا اينالىپ, ەلى ءۇشىن, جەرى ءۇشىن جارعاق قۇلاعى جاستىققا تيمەي, حالقى ءۇشىن ايانباعانىن ەسكە ءتۇسىرىپ, ەستەلىك بەينەباياندار كورسەتىلىپ, ولەڭدەر وقىلدى. وسى كىتاپحاناعا مەن ءجيى كەلەمىن, ويتكەنى, مۇندا وسىنداي كوڭىلگە قونىمدى شارالار ءجيى وتەدى. كىتاپحاناداعى قىزمەتكەرلەردىڭ جۇمىسى اۋىر, ويتكەنى كەلۋشىلەردىڭ كوبىنىڭ كوزى كورمەيتىندەر. وسىنداي ۇلگىلى دە ونەگەلى شارانى ۇيىمداستىرعان زاعيپتار كىتاپحاناسى باسشىسىنىڭ ورىنباسارى ءلاززات قۋانتاەۆا, بۇقارالىق-اقپاراتتار ءبولىمىنىڭ باسشىسى ايناگۇل قوجاحانوۆا, كىتاپحاناشىلار گۇلايىم ءتۇسۇپوۆا مەن بايان راحمەتوۆاعا العىسىمىز شەكسىز. باقجامال اككۋزينوۆا, زەينەتكەر-ۇستاز پاۆلودار
