قۇس – از, براكونەر – كوپ...

ورتالىق كوممۋنيكاتسيا­لار قىزمەتىندە اۋىل شارۋا­شىلىعى مينيسترلىگى ورمان شارۋاشىلى­عى جانە جانۋارلار دۇنيەسى كوميتەتى توراعاسىنىڭ مىندەتىن اتقارۋ­شى مارلەن اينابەكوۆ كوكتەمگى كەزەڭدە قۇس اتۋعا تىيىم سالىناتىنى تۋرالى ايتتى. – جاقىندا زوولوگيا ينستيتۋتى مەن قازاقستان بيوالۋان­تۇرلىلىكتى ساقتاۋ قاۋىمداستىعى كوكتەمگى اڭ اۋلاۋدا تىيىم سالۋ بويىنشا بيولوگيالىق نەگىزدەمە جاسادى. وسىعان بايلانىستى كوكتەمگى كەزەڭدە جابايى قۇستاردى اتۋعا تىيىم سالىناتىن بولادى. ويتكەنى, 2012 جىلدان باستاپ ەلىمىزدە قۇستاردىڭ سانى 2 ملن-عا ازايىپ كەتتى. ال كۇز جانە قىس كەزىندە قۇس اتۋعا تىيىم سالىنبايدى. كوكتەمگى اڭ اۋلاۋعا تىيىم سالۋ جابايى قۇستار سانىنىڭ ءوسىمىن ساقتاپ قالۋعا مۇمكىندىك بەرەدى, – دەدى ول. ونىڭ ايتۋىنشا, قازىر براكونەر­لەردىڭ سانى كوبەيىپ بارادى. 2015 جىلى كوكتەمگى اڭ اۋلاۋ كەزەڭىندە 636 اكىمشىلىك قۇقىق بۇزۋشىلىق تىركەلسە, بىل­تىر 758-گە جەتتى. ياعني, زاڭ­نان اينالىپ ءوتىپ, جابا­يى قۇستاردى اتىپ جاتقان برا­كونەرلەر كوبەيىپ كەتتى. قازىر قولدا بار مالىمەتتەرگە قارا­عاندا, اڭشىلاردىڭ سانى – 150 000. بۇل رەسمي تىركەلگەن, زاڭدى قۇجاتى بار ازاماتتاردىڭ سانى. كەزدەسۋدە جابايى قۇستاردىڭ تاعدى­رىنا الاڭداعان اۋىل شارۋاشىلىعى مينيسترلىگىنىڭ وكىلى 16 اقپاننان باستاپ 14 ماۋسىمعا دەيىن كوكتەمگى اڭ اۋلاۋعا تىيىم سالىناتىنىن ايتتى. داستان كەنجالين, «ەگەمەن قازاقستان»