دامۋدىڭ ءبىر ولشەمى

قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مەن قازاقستان پرەزيدەنتى جانىنداعى مەملەكەتتىك باسقارۋ اكادەمياسى, سونداي-اق, قازاقستانداعى بۇۇ دامۋ باعدارلاماسى ەلىمىزدە وتباسىلىق جانە گەندەرلىك ساياساتتى ىسكە اسىرۋدا جاڭا ادىستەردى قالىپتاستىرۋ ماسەلەسى بويىنشا حالىقارالىق عىلىمي-تاجىريبەلىك كونفەرەنتسيا وتكىزدى. جيىندى ۇلتتىق كوميسسيا ءتور­ايىمىنىڭ ورىنباسارى ەلەنا تارا­سەنكو اشىپ, ماسەلەنىڭ ماڭىز­دىلى­عى­نا باسا نازار اۋداردى. «وتكەن جىل­­دىڭ 6 جەلتوقسانىندا مەملەكەت باسشىسى­نىڭ جارلى­عىمەن ەلىمىزدە 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى بەكىدى. قازىر­گى تاڭدا اتالعان تۇجىرىمدا­ما­­نى جۇزەگە اسىرۋ ءۇشىن 2017-2019 جىل­دار­­عا ارنالعان ءىس-شارالار جوس­پارى بو­يىن­شا اۋقىمدى جۇمىستار اتقا­رى­لىپ كەلەدى», – دەدى كوميسسيا ءتور­ايى­­مىنىڭ ورىنباسارى. سونداي-اق, ول تۇجىرىمداماداعى ماسەلەلەر «قازاقستان-2050» ستراتەگياسىندا, «100 ناقتى قادام» ۇلت جوسپارىندا كوزدەلگەن ماقسات-مىندەتتەرمەن قاتار جۇرەتىنىن ايتا كەلە, وندا ەكونو­ميكالىق ىنتىماقتاستىق جانە دامۋ ۇيىمىنىڭ, بۇۇ ايەل­دەرگە قاتىستى بارلىق كەم­سى­تۋ­شىلىكتى جويۋ كوميتەتىنىڭ ۇسى­نىمدارى ەسكەرىلگەنىنە توق­تالدى. قازاقستانداعى بۇۇ دامۋ باع­­دارلاماسى تۇراقتى وكىلىنىڭ ورىن­باسارى مۋنحتۋيا التانگەرەل بۇۇ دامۋ باعدارلاماسى استانا ەكونو­مي­كا­لىق فورۋمى اياسىندا كوپ جىلدان بەرى قازاقستان پرەزيدەنتى جانىن­داعى مەم­لەكەتتىك باسقارۋ اكادەمياسىمەن ارىپتەستىك ورنا­تىپ كەلەتىنىن, ونىڭ ىشىندە مەم­لە­كەتتىك قىزمەت جۇيەسىن حالىق­ارالىق ستاندارتقا ساي ەتۋ ماسە­لەسىنە ءمان بەرىلەتىنىن جەتكىزدى. «شىن مانىندە دە, بۇل تۇجىرىمدامانىڭ ءرولى زور. ونىڭ تاجىريبە جۇزىندە ىسكە اسىرىلۋى ءۇشىن جاڭا يننو­ۆاتسيالىق ءادىس-تاسىلدەردى وي­لاس­تىرىپ, سول ارقىلى ادام كاپي­تالىنىڭ دامۋىنا, مەملەكەت تۇ­راقتىلىعىن قامتاماسىز ەتۋگە, وتباسى قۇندىلىقتارىنىڭ ساق­تالۋىنا جانە وتباسىنىڭ الەۋ­مەتتىك جاعىنان قورعالۋىنا ايتار­لىقتاي دەڭگەيدە اسەر ەتۋگە بولادى. ەگەر گەندەرلىك ساياسات دۇرىس جۇرگىزىلمەسە, وندا مەملەكەتتىڭ دە العا قاراي ىلگەرىلەي قويۋى نەعايبىل. دەمەك, نازىك جاندىلار قوعامداعى ءاربىر سالاعا بەلسەنە ارالاسىپ, ءوز ۇلەس­تەرىن قوسۋلارىنا بولادى. بۇۇ دامۋ باعدارلاماسىنىڭ وسى ماسە­لە­گە قاتىستى العا قويعان ءمىن­­دەتتەرى­نىڭ نەگىزگى وزەگى مىنە, وسىنداي وي-تۇجى­رىمعا سايادى», – دەدى م.التانگەرەل. قازاقستان رەسپۋبليكاسى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى ايگۇل كوشەرباەۆا اكادەميانىڭ عالىمدارى 2013 جىلدان بەرى گەن­دەرلىك ساياساتتى جۇزەگە اسىرۋ بويىنشا بەلسەندى تۇردە جۇمىس ات­قارىپ كەلە جاتقانىن تىلگە تيەك ەتتى. «ءبىز ءتۇرلى سيپاتتاعى ترە­نينگتەر مەن سەمينارلاردى ۇيىمداستىرىپ ءجۇرمىز, ولاردىڭ دەنى گەندەرلىك ساياساتتى ءتۇسىنۋ مادەنيەتىن ارتتىرۋعا باعىتتالعان. ال بۇل – وتە ماڭىزدى ماسەلە», – دەدى ا.كوشەرباەۆا. كونفەرەنتسياعا قاتىسۋشى­لار, سونداي-اق, «تۇجىرىمدامانى جاڭعىرتۋ جانە ەكونوميكالىق ءوسۋ­دىڭ جاڭا مودەلىن قۇرۋ فيلو­سو­فيا­سى», «ادام الەۋەتىن دا­مىتۋ­داعى وتباسىنىڭ ءرولى», «تۇر­مىستىق زورلىق-زومبىلىقتىڭ الدىن الۋداعى جانە ونىمەن كۇرەسۋدەگى يننوۆاتسيا­لىق ءتاسىل: گەندەرلىك ولشەم», «ۇلتتىق وت­باسىلىق جانە گەندەرلىك ساياسات – ادام كاپيتالىن دامىتۋداعى زاماناۋي ءۇردىس» سىندى تاقىرىپتار بويىنشا ءسوز سويلەدى. ءلايلا ەدىلقىزى, «ەگەمەن قازاقستان»