وزبەكستان پرەزيدەنتىمەن كەزدەستى

قازاقستان ۇكىمەتىنىڭ ءبىرىنشى ۆيتسە-پرەمەرى ا.مامين تاش­كەنت­كە جۇمىس ساپارى شەڭبەرىندە وزبەكستان پرەزيدەنتى شاۆكات ميرزيەەۆپەن كەزدەستى. قازاقستاننىڭ ءبىرىنشى ۆيتسە-پرەمەرى باۋىرلاس ەلگە قازاقستان-وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ 16-شى ماجىلىسىنە قاتىسۋ ءۇشىن كەلگەن بولاتىن. كەزدەسۋ بارىسىندا ەكى­ ەل­­دىڭ بارلىق باعىتتاعى ىن­تى­ماقتاستىعىنىڭ پەرس­پەكتي­ۆا­لارى, ونىڭ ىشىندە ساۋدا-ەكو­نوميكالىق بايلانىستار جايى تالقىلاندى. «قازاقستان وزبەكستاننىڭ ورتالىق ازيا وڭىرىندەگى اسا ءىرى ساۋدا سەرىك­تەسى بولىپ تابىلادى», – دەدى ش.ميرزيەەۆ. سونداي-اق, ول ەكى ەل اراسىنداعى ءوزارا قا­رىم-قاتىناس ەكونوميكالىق ىنتىماقتاستىقتى دامىتۋدىڭ ساپالى جاڭا كەزەڭىنە اياق باس­قانىن اتاپ كورسەتتى. ا.مامين قازاقستان باس­شى­سى نۇرسۇلتان نازارباەۆ­تىڭ وزبەكستانمەن ىنتى­ماق­تاستىقتى دامىتۋعا ەرەكشە نا­زار اۋدارىپ وتىرعانىن كول­دەنەڭ تارتتى. كەزدەسۋ بارىسىندا قا­زاق­ستان رەسپۋبليكاسى پرە­مەر-ءمينيسترىنىڭ ءبىرىن­شى ورىن­باسارى وزبەك ارىپتەس­تە­رى­مەن جۇمىستىڭ جۇيەلى نە­گىزدە جۇرگىزىلىپ كەلە جات­قا­نىن حابارلادى. نەگىزگى سالا­لاردا بىرلەسكەن ساۋدا ءۇي­لەرى قۇرى­لعان. ولار اگرو­ونەر­كاسى­پتىك كەشەن, حيميا جانە مۇناي حيمياسى ونەركاسىبىندە كورى­نىس تاۋىپ وتىر. ءوزارا تاۋار ال­ماسۋ­لار ۇلعايا تۇسۋدە. ىنتى­ماق­تاس­تىقتىڭ اۆتوموبيل جاساۋ, تۋريزم, مۇناي-حيميا سياق­­تى سالا­لارىندا جاڭا با­عىت­­تار اي­قىندالعان. بىرقاتار ينف­را­قۇرىلىمدىق جوبالار بو­يىنشا ناقتى ۋاعدالاستىقتار بار. ونىڭ ىشىندە اۆتوبۋس جانە اۋە قاتىناستارىن اشۋ, ناقتىراق ايتساق, ىشىندە استانا – تاشكەنت اۋە رەيسىن اپتاسىنا 6 رەتكە دەيىن كوبەيتۋ سياقتى ۇسىنىستار ءبىل­دىرىلىپ وتىر. قازاقستان مەن وزبەك­ستان ارا­سىندا اسكەري جانە ءاس­كەري-تەح­نيكالىق ىنتى­ماق­تاس­تىق­تى جولعا قويۋ تۋ­رالى ۋاع­دالاس­تىققا دا قول جەتكىزىلگەن. بەلسەندى وڭىرارالىق ىنتى­ماقتاستىقتىڭ باستالۋىنا سەر­پىن بەرىلىپ ۇلگەرىلسە, قا­زىر­دىڭ وزىندە قازاقستان مەن وزبەكستان وبلىستارىنىڭ دەلە­گاتسيالارى بىرقاتار ساپار الماسۋلاردى جۇزەگە اسىردى. وتكەن جىلى ەكى ەل اراسىن­داعى تاۋار اينالىمى 1,6 ملرد-دان استام اقش دوللارىن قۇ­رادى. اقشالاي العاندا ءوزارا ساۋدا كولەمى 40 پايىزعا جۋىق ۇلعايدى. 2020 جىلعا قاراي اتالعان كورسەتكىشتى 1,6-دان 5 ملرد اقش دوللارىنا دەيىن ارتتىرۋ مىندەتى قويىلىپ وتىر. كەزدەسۋ سوڭىندا وزبەكستان پرەزيدەنتى شاۆكات ميرزيەەۆ وزبەكستان رەسپۋبليكاسى مەن قا­زاقستان رەسپۋبليكاسى ارا­سىنداعى جان-جاقتى ءوزارا ءتيىمدى قارىم-قاتىناستاردى دامىتۋعا سىڭىرگەن ەرەن ەڭبەگى, ەكى ەلدىڭ تەمىر جول كولىگى سالا­سىنداعى ىنتىماقتاستىعىن كەڭەي­تۋگە جانە تەرەڭدەتۋگە قوسقان جەكە ۇلەسى جانە ورتالىق ازيا وڭىرىندەگى وڭىرارالىق كولىك دالىزدەرى سەكىلدى ءىرى جوبا­لار­دى جۇزەگە اسىرۋعا بەل­سەندى قاتىسقانى ءۇشىن اسقار ءماميندى «دۋستليك» وردەنىمەن ما­راپاتتاۋ تۋرالى رەسمي سال­تانات وتكىزدى. وزبەكستان پرەمەر-مي­نيسترىنىڭ ءبىرىن­شى ورىنباسارى اچيلباي راما­توۆ­پەن كەزدە­سۋدە ۇكىمەتارالىق كو­ميس­سيانىڭ 16-شى ءماجىلىسى­نىڭ ماڭىزى پرەزيدەنت ش.مير­زيەەۆتىڭ قازاقستانعا العاشقى مەملەكەتتىك ساپارى قارساڭىندا ارتا تۇسەتىنى اتاپ ءوتىلدى. تاراپتار ساۋدا-ەكونوميكا­لىق ىنتىماق­تاستىقتى ءارى قاراي كەڭەيتۋ, اۋىل شارۋاشى­لىعى, كولىك جانە لوگيستيكا, ترانزيت, ت.ب. سالالارداعى بايلانىستاردى نىعايتۋ ماسەلەلەرىن تالقى­لادى. سۇحباتتاستار وڭىرلەر­دىڭ­ ەكونوميكا­لىق ىنتى­ماق­­تاس­تىعىندا نەگىزگى ەكپىن ونەر­كاسىپتىك كووپەرا­تسيا­نى دامىتۋ مەن بىرلەسكەن ينۆەستيتسيالىق جوبا­لاردى جۇزەگە اسىرۋعا ءتۇسىرىلۋى ءتيىس ەكەنىن اتاپ كور­­سەتتى. «ءبىز قازاق­ستانمەن ءبىر­لەس­كەن جوبالاردى جۇزە­گە اسىرۋ بويىنشا بەلسەندى ىنتى­ماق­تاستىققا دايىنبىز», – دەدى ا.راماتوۆ. تاشكەنتكە جۇمىس ساپارى شەڭبەرىندە قازاقستان رەسپۋب­ليكاسى پرەمەر-ءمينيسترىنىڭ ءبىرىنشى ورىنباسارى – قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاق­تى ىنتىماقتاستىق ءجو­نىندەگى بىرلەسكەن ۇكىمەتارا­لىق كوميسسيانىڭ تەڭ توراعاسى اسقار مامين كومي­س­سيانىڭ 16-شى ماجىلىسىنە قاتىسىپ, ءسوز سويلەدى. وندا ەنەرگەتيكا, كەدەن, مۇناي-گاز, كولىك جانە ترانزيت, تۋريزم, عىلىمي-تەحنيكالىق جانە مادەني-گۋمانيتارلىق سالالارداعى ەكىجاقتى ىنتى­ماقتاستىق ماسەلەلەرى ەگجەي-تەگجەيلى قاراستىرىلدى. سون­داي-اق, اسكەري جانە اسكەري-تەحنيكالىق سالاداعى ءوزارا ءىس-قيمىل جايى تالقىلاندى, دەپ حابارلادى قازاقستان رەسپۋب­لي­كاسىنىڭ وزبەكستان رەسپۋب­ليكاسىنداعى ەلشىلىگىنىڭ ءباسپاسوز قىزمەتى.