ءماجىلىستىڭ بيۋرو وتىرىسى ءوتتى

ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتتى. وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. ول بويىنشا پالاتا دەپۋتات­تارى دەنە شىنىقتىرۋ جانە سپورت ماسەلەلەرىنە تۇزەتۋلەرگە قاتىستى زاڭ جوباسىن ءبىرىنشى وقىلىمدا قارايدى دەپ كۇتىلۋدە. سونداي-اق, پالاتا رەسەيمەن اۆياتسيالىق ىزدەستىرۋ جانە قۇتقارۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى جانە 1996 جىلعى 18 قازانداعى رەسەي­مەن تەمىر جول كولىگى كاسىپورىندارى­نىڭ, مەكەمەلەرى مەن ۇيىمدارى­نىڭ قىزمەتىن قۇقىقتىق رەتتەۋدىڭ ەرەكشەلىكتەرى تۋرالى ۇكىمەتارالىق كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋعا قاتىستى زاڭ جوبالارىن جۇمىسقا قابىلدايدى. وسى رەتتە, سونىمەن قاتار, 2012 جىلعى 11 مامىرداعى قىر­­عىز­­ستانمەن ەكى مەملەكەت ازامات­­تارىنىڭ اتالعان رەسپۋب­ليكا­لار اۋماعىندا بولۋ ءتارتىبى تۋرالى ۇكىمەتارالىق كەلىسىمگە تۇزە­تۋلەرگە قاتىستى حاتتامانى, سونداي-اق, وسى ەلمەن رەاد­ميس­سيا تۋرالى ۇكىمەتارالىق كەلى­سىم­دى جانە ونى ىسكە اسىرۋ ءتار­تىبى تۋرالى اتقارۋ حاتتاماسىن راتي­في­كاتسيالاۋعا بايلانىستى زاڭ جوبالارى بويىنشا بەيىندى كوميتەتتەرگە قورىتىندى ازىرلەۋ مەرزىمىن بەلگىلەمەك.