جاڭعىرۋ 3.0: دامۋدىڭ جاڭا باعىتى

پرەزيدەنت جانىنداعى مەملەكەتتىك باسقارۋ اكادەمياسىندا قازاقستان حالقى اسسامبلەياسىنىڭ عىلىمي-ساراپشىلىق كەڭەسى دوڭگەلەك ۇستەل وتكىزدى. باسقوسۋعا قاتىسۋشىلار كونستيتۋتسيالىق رەفورمالار جانە «جاڭعىرۋ 3.0: دامۋدىڭ جاڭا باعىتى» دەگەن تاقىرىپ اياسىندا اڭگىمە ءوربىتتى. ل.ن.گۋميلەۆ اتىنداعى ەۇۋ قحا كافەدراسىنىڭ مەڭگەرۋشىسى اناتولي باشماكوۆ مەملەكەت باسشىسىنىڭ جول­داۋىنا ەلىمىزدىڭ بولاشاق دامۋ باعىتى ايقىندالعانىن تىلگە تيەك ەتتى. – بارشا قازاقستاندىقتاردىڭ ءمۇد­دەسى كوزدەلگەن بۇل قۇجاتتا ەلىمىزدىڭ بولا­شاق دامۋ جولى كورىنىس تاپقان. ال­داعى 10-20 جىل ىشىندە قازاقستان قوعا­مى ەكونوميكالىق, الەۋمەتتىك تۇرعى­دا جاڭاشا تۇرگە ەنەدى. ەلباسى ءوز جول­داۋىندا: «بولاشاعىن ايقىنداپ, سىن-قا­تەر­لەردى كۇتىپ وتىرماستان, وعان تابان­دى تۇردە قارسى تۇرا الاتىن حالىق قانا جەڭىسكە جەتەدى», دەگەنىن بىلەسىزدەر. مەم­لەكەت باسشىسى قازاقستاننىڭ ال­دىڭ­عى قاتارلى 30 ەلدىڭ قاتارىنا قوسىلۋدى باعىتقا الۋى ءبىزدىڭ الدىمىزدا تۇرعان ماڭىز­دى مىندەت ەكەنىنە سەنىمدى. دام­ىعان ەلدەردىڭ قاتارىنا قوسىلۋ ءۇشىن ەكونوميكانىڭ جەدەلدەتىلگەن تەحنو­لوگيالىق جاڭعىرتىلۋى, بيزنەس­ورتانى تۇبەگەيلى جاقسارتۋ جانە كەڭەيتۋ, ماك­رو­ەكونوميكالىق تۇراقتىلىق, ادامي كاپي­تال ساپاسىن جاقسارتۋ, ينستيتۋتتىق ءوز­گەرىستەر, سىبايلاس جەمقورلىققا قار­سى كۇرەس سىندى باسىم باعىتتار دا پرەزيدەنت جولداۋىندا كورسەتىلگەن. وسى باسىمدىقتاردى جۇزەگە اسىرۋ ءۇشىن بارشا قازاقستاندىقتار جۇمىلىپ ارەكەت ەتۋى كەرەك. وعان ءبىزدىڭ مۇمكىندىگىمىز جەتەدى, – دەدى ا.باشماكوۆ. ەكونوميكالىق جاڭعىرۋ, ءبىرىنشى كەزەكتە ادامي كاپيتالدىڭ دامۋىمەن بايلانىستى. ادامداردىڭ ءبىلىمى مەن ينتەل­لەكتۋالدىق دەڭگەيىن كوتەرۋ, دۇنيە­تانىمىن تەرەڭدەتۋ ماسەلەسى دە نازار­دان تىس قالماۋى ءتيىس. فيلوسوفيا عىلىم­دارىنىڭ دوكتورى تولەۋعالي ءبورى­­باەۆ وسىنداي پايىمىن ورتاعا سالدى. – ادامي كاپيتالدى جاقسارتۋ دەگەنىمىز – تەرەڭ ءبىلىم, ينتەللەكتۋالدىق وي-ورە, رۋحاني بايلىقتى بويىنا توعىستىرعان بۋىندى قالىپتاستىرۋ. ساپالى ءبىلىم بەرۋ, عىلىمدى دامىتۋ, جاستاردى ەڭبەككە باۋلۋ, جان-جاقتى جەتىلگەن ۇرپاقتى ءوسىرىپ شىعارۋ «ماڭگىلىك ەل» يدەياسىندا دا كورسەتىلگەن باستى قۇندىلىقتاردىڭ ءبىرى. ەكونوميكالىق جاڭعىرۋ وسى قۇندىلىقتاردىڭ نەگىزىندە جۇرسە, تانىم كوكجيەگى كەڭ, بەلسەندىلىگى جوعارى قوعام قۇرىلادى, – دەدى عالىم. دوڭگەلەك ۇستەل باسىندا قحا عىلى­مي-ساراپشىلىق كەڭەسىنىڭ مۇشە­لەرى ەلباسى جولداۋىندا ايتىلعان ماسەلەلەردىڭ الەۋمەتتىك, ەكونوميكالىق اسپەكتىلەرى تۋرالى كەڭىنەن وي ءبولىستى. ارنۇر اسقار, «ەگەمەن قازاقستان»