قىتاي تەلەارناسى ديماش تۋرالى دەرەكتى فيلم ءتۇسىرىپ جاتىر

ءانشىنىڭ PR-ديرەكتورى ءارى دوسى الپامىس شاريموۆتىڭ ايتۋىنشا, ديماش قۇدايبەرگەن مەن Hunan TV ارناسىنىڭ ءتۇسىرىلىم توبى استاناعا قازاقستان تۋرالى, ورىنداۋشىنىڭ تۋعان جەرى جايلى سيۋجەت ءتۇسىرىپ جاتىر, – دەپ حابارلايدى Tengrinews.kz ءتىلشىسى. سيۋجەت قىتايلىق تەلەارنادا كورسەتىلەدى. بۇل روليكتە ءانشى ءوز ەلىن تانىستىرادى. ال ءانشىنىڭ اناسى سۆەتلانا ايتباەۆا “موي گورود” پورتالىنا بەرگەن سۇحباتىندا ديماش قۇدايبەرگەن مەن ءتۇسىرىلىم توبىنىڭ كەلۋى جايلى تولىعىراق ايتىپ بەردى. “وسى ءبىر-ەكى كۇننىڭ ىشىندە قىتايلىق جۋرناليستەر ءبىزدىڭ وتباسىمىز جايلى, ديماش وقىعان مەكتەپ پەن مۋزىكالىق كوللەدجدە ءتۇسىرىپ ۇلگەرۋى كەرەك. بالامىز تاەكۆاندومەن اينالىسقان سپورت مەكتەبىندە دە ءتۇسىرىلىم جۇمىستارى وتەدى”, – دەدى ايتباەۆا. وسىدان كەيىن, اناسىنىڭ ايتۋىنشا, قىتايلىق جۋرناليستەر ديماشتى ات ۇستىندە ءتۇسىرۋ ءۇشىن يپپودرومعا بارادى, سەبەبى قىتايلىق جانكۇيەرلەر انشىگە “قازاقتىڭ قاناتى” دەگەن ات بەرىپتى. ال وسىعان دەيىن ءانشىنىڭ PR-ديرەكتورى ءانشىنىڭ استاناعا ۇشىپ كەلگەنىن حابارلاعان ەدى. “بىتپەگەن شارۋالاردى اۋەدە بىتىرۋگە تۋرا كەلەدى. ءبىر-ەكى كۇنگە وتانعا كەلىپ جاتىرمىز. ەشقانداي باق-پەن كەزدەسۋ, ارنايى فان كەزدەسۋلەر مۇمكىن ەمەس. ءبارى جوسپار بويىنشا! ءتۇسىرىلىم! تۇسىنىستىكپەن قاراعاندارىڭىزعا راxمەت!!! مەن استانادامىن!!!”, – دەپ جازعان ەدى شاريموۆ Instagram جەلىسىندەگى پاراقشاسىندا.