قوعامدىق ءتارتىپتى بۇزعانداردى تۇزەتۋ جۇمىستارىنا جەگۋ ۇسىنىلدى

الكوگولدى ىشىمدىك ءىشىپ قوعامدىق ءتارتىپتى بۇزعاندار بۇدان بىلاي تۇزەتۋ جۇمىستارىنا جەگىلسىن. مۇنداي ۇسىنىستى سولتۇستىكقازاقستاندىق پوليتسەيلەر كوتەردى, دەپ حابارلايدى حابار 24 تەلەارناسى. ويتكەنى سوڭعى كەزدەرى اكىمشىلىك ايىپپۇلدارىن تولەمەيتىندەردىڭ سانى ارتقان. ماسەلەن 2016 جىلى وبلىستا 12 مىڭنان استام ادامعا اكىمشىلىك حاتتاما تولتىرىپ, ولارعا جالپى سوماسى 114 ملن تەڭگەدەن استام ايىپپۇل سالىنىپتى. ال ونىڭ بۇگىنگى كۇنى تەك 51 پايىزى عانا مەملەكەت قازىناسىنا تۇسكەن. سوندىقتان بۇل ماسەلە ايماقتا وزەكتى بولىپ وتىر. «بۇگىنگى كۇنى سپيرتتىك ىشىمدىك ءىشىپ قوعامدىق ءتارتىپتى بۇزعانداردان ايىپپۇلدارىن ءوندىرىپ الۋ قيىنعا سوعىپ وتىر. ويتكەنى مۇنداي ازاماتتارعا ايىپپۇل ءبىر ەمەس, بىرنەشە مارتە سالىنعان. ونىڭ ۇستىنە كوبى جۇمىسسىز. سوندىقتان بۇل جانداردى تۇزەتۋ جۇمىستارىنا تارتۋ قاجەت. مىنە زاڭناماعا وسىنداي وزگەرتۋلەر ەنگىزىلسە قۇبا-قۇپ بولار ەدى», - دەيدى وبلىستىق ءىىد جەرگىلىكتى پوليتسيا قىزمەتىنىڭ باسشىسى قانات ايتباەۆ.