وقو-دا بيازى جۇنگە 15,2 ملن تەڭگە سۋبسيديا قۇيۋ جوسپارلانعان

وقو-دا بيازى جۇنگە 15,2 ملن تەڭگە سۋبسيديا قۇيۋ جوسپارلانعان, دەپ حابارلادى وبلىس اكىمدىگىنىڭ ءباسپاسوز قىزمەتى. جالپى, وبلىستا 32 مىڭعا جۋىق بيازى ءجۇندى قوي وسىرۋمەن اينالىساتىن 20 شارۋاشىلىق بار. ولاردىڭ باسىم كوپشىلىگى سارىاعاش پەن قازىعۇرت اۋدانىندا ورنالاسقان. ال ءجۇندى قايتا وڭدەيتىن شىمكەنت قالاسىندا ەكى كاسىپورىن جۇمىس ىستەيدى. اتالعان كاسىپورىندار بىلتىر 1200 تونناعا جۋىق ءجۇندى ساتىپ الىپ قايتا وڭدەگەن. وڭدەلگەن جۇننەن كيىز جانە جىلۋ ساقتايتىن ونىمدەر شىعارىلادى. بيىل 117 توننا بيازى جۇنگە ءار كەلىسىن 130 تەڭگەدەن, جالپى 15,2 ملن. تەڭگە سۋبسيديا بەرۋ جوسپارلانۋدا. مۇنان سوڭ, تىلشىلەر توبى سارىاعاش اۋدانىنداعى قۇس وسىرەتىن «بەسقارا» جشس-ندە بولدى. توراعاسى مۇرات ابدىباەۆ بولىپ تابىلاتىن قۇس فابريكاسى 2015 جىلى جۇمىسىن باستاعان. بۇگىندە مۇندا 50-دەن استام ادام تۇراقتى جۇمىسپەن قامتىلعان. فابريكادا جىلىنا 20 ملن. دانا تاعامدىق جۇمىرتقا ءوندىرىلىپ, وبلىستاعى اۋدان, قالالارعا جونەلتىلەدى. ايتا كەتۋ كەرەك, وڭتۇستىك قازاقستان وبلىسىندا 30-عا جۋىق قۇس فابريكاسى بولسا, وندا بۇگىنگى تاڭدا 1,3 ملن. باس قۇس ءوسىرىلىپ, جىلىنا 180 ملن. داناعا جۋىق جۇمىرتقا الىنادى. تاعامدىق جۇمىرتقالار, نەگىزىنەن, ءوزىمىزدىڭ وبلىستا ساۋدالانادى. اۋداندارعا پرەسس-تۋر كەزىندە جۋرناليستەر بارعان سوڭعى شارۋاشىلىق سارىاعاشتىڭ داربازا اۋىلىنداعى اسىل تۇقىمدى ءسۇتتى باعىتتاعى ءىرى قارا مالداردى ءوسىرۋ جانە ءسۇت وندىرۋمەن اينالىساتىن «فيرما ساكەن» جشس بولدى. 2004 جىلى جۇمىسىن باستاعان قوجالىقتىڭ توراعاسى شارىكۇل بايعازيەۆا بۇل شارۋاشىلىقتى جەكە قاراجاتىنا - 2 ملن. تەڭگەگە اشقان. بۇگىندە مۇنداعى 594 ىقم-دى كۇتىپ-باعۋ ءۇشىن 19 ادام تۇراقتى جۇمىسپەن قامتىلعان. جىلىنا 400 تونناعا جۋىق ءسۇت ءوندىرىپ, ونى وبلىسىمىزعا ساتادى. وبلىستا ءسۇت وندىرەتىن 800-گە جۋىق شارۋاشىلىق بار. باسىم كوپشىلىگى سايرام, شىمكەنت قالاسىندا ورنالاسقان. اعىمداعى جىلى مەملەكەتتەن جالپى ءسۇت ءوندىرىسى قۇنىن ارزانداتۋعا 372,5 ملن. تەڭگە قاراجات قارالۋدا.