مەملەكەتتى دەموكراتيالاندىرۋ جولىنداعى ماڭىزدى قادام

مەملەكەت باسشىسىنىڭ «قازاق­­ستان رەسپۋبليكاسىنىڭ كونس­­تي­تۋتسيا­سىنا وزگەرىستەر مەن تولىق­تىرۋلار ەنگىزۋ تۋرالى» زاڭى­نىڭ جوباسىن كەڭىنەن ءارى تەرەڭ تالقىلاۋ مەرزىمى اياقتا­لىپ كەلەدى. وسىعان وراي, ەلور­داعا ەۋروپا كەڭەسىنىڭ قۇقىق ار­قى­لى دەموكراتيا ءۇشىن ەۋرو­پا­لىق كوميسسياسىنىڭ (ۆەنە­تسيا­لىق كوميسسيا) ساراپشىلارى ات باسىن تىرەگەن ەدى. ولار قا­زاق­­ستان رەسپۋبليكاسى پرە­زي­دەنتى­نىڭ بۇكىلحالىقتىق تال­قى­لاۋعا شىعارعان «قازاق­ستان رەسپۋبليكاسىنىڭ كونس­تي­تۋتسيا­سى­نا وزگەرىستەر مەن تولىق­تىرۋ­لار ەنگىزۋ تۋرالى» زاڭىنىڭ جوبا­سىن مەملەكەتتىك ورگاندار جانە ۇيىمدارمەن تالقىلاۋعا قا­تىستى. وسى بەدەلدى ەۋروپالىق قۇ­رى­لىم دەلەگاتسياسىنىڭ قۇ­را­مىنا ەۋروپا كەڭەسى ۆەنە­تسيالىق كوميسسياسىنىڭ وڭىرلىك ىنتىماقتاستىق ءبولىمىنىڭ باس­شىسى س.كۋزنەتسوۆ, گرۋزيا­نىڭ بۇرىنعى ادىلەت ءمينيسترى جانە كونستيتۋتسيالىق سوتىنىڭ توراعاسى گ.پاپۋاشۆيلي جانە كونستيتۋتسيالىق قۇقىقتىڭ باسقا دا ماماندارى ەنگەن ەكەن. جالپىعا ءمالىم, ۆەنەتسيالىق كوميسسيا ەۋروپا كەڭەسىنىڭ قۇ­قىق­تىق ساراپتاۋ ورگانى بولىپ تابىلادى. قۇقىق سالاسىن­دا يدەيا­­لارمەن الماسۋدىڭ حالىق­ارا­لىق دەڭگەيدە تانىلعان قۇ­قىق­تىق فورۋمى بولا وتى­رىپ, ول كونس­تيتۋتسيالىق قۇرى­لىس ماسە­لە­لەرى بويىنشا مەملە­كەت­تەرگە ساراپ­تامالىق-ادىسنامالىق كومەك كور­سەتەدى. قازاقستان 1998 جىلدان باستاپ ۆەنەتسيالىق كوميسسيادا بايقاۋشى مارتەبەسىنە يە, ال 2012 جىلى ونىڭ تولىق مۇشەسى اتاندى. وسىعان وراي, استانادا اتال­عان شەتەلدىك ارىپتەستەر مەم­لە­­كەت­تىك بيلىكتىڭ تارماقتارى ارا­سىن­دا وكىلەتتىكتەردى قايتا ءبولۋ ءما­سە­لەلەرى جونىندەگى جۇمىس توبىمەن كەزدەستى. كەزدەسۋ بارىسىندا تال­قى­لاۋعا تۇسكەن زاڭ جوباسىنىڭ باستى ماسەلەلەرى بويىنشا پىكىر الماسۋ ءوتتى. جۇمىس توبىنىڭ مۇشەلەرى جاڭا ەنگىزۋلەر بويىنشا تولىققاندى تۇسىنىكتەمە بەرىپ, ساراپشىلاردىڭ سۇراقتارىنا جاۋاپ قايتاردى. وسى ماسەلەلەر بويىنشا كونس­تيتۋتسيالىق كەڭەس ءتور­اعاسى ي.روگوۆپەن, جوعارعى سوت توراعاسى ق.ماميمەن, باس پروكۋرور ج.اسانوۆپەن جانە ادىلەت ءمينيسترى م.بەكەتاەۆپەن كەزدەستى. وندا جەكەلەگەن قۇقىق­تىق ينستيتۋتتاردى قايتا جاڭ­عىر­تۋ بارىسىن قاراۋ مەن ناق­تى­لاۋ, سونىڭ ىشىندە: كونستي­تۋ­­­تسي­يا­لىق باقىلاۋ, سوت قۇرى­لى­مى جانە سوت ءىسىن جۇرگىزۋ, پروك­ۋ­رور­لىق قاداعالاۋ, قازاقستان رەس­پۋب­لي­كاسى پرەزيدەنتىنىڭ زاڭداردا بەكىتىلگەن وكىلەتتىكتەرىن قايتا ءبولۋ جانە ت.ب. ماسەلەلەر تۋرالى ءسوز قوزعالدى. سونداي-اق, شەتەلدىك ساراپشى­لار قازاق گۋمانيتارلىق زاڭ ۋني­ۆەرسيتەتىندە (قازگزۋ) بولىپ, ونىڭ پروفەسسورلىق-وقىتۋشىلار قۇرامىمەن كەزدەستى. ۆەنەتسيالىق كوميسسيا ساراپشىلارى كونستي­تۋتسيالىق رەفورمانىڭ باستى ولشەمدەرىن وڭ باعالادى. ولاردىڭ ايتۋىنشا, قازاقستان رەسپۋبليكاسى پرەزيدەنتى ۇسىنعان ەلىمىزدىڭ كونستيتۋتسيالىق قۇرى­لى­مىنداعى وزگەرىستەر ەۋرو­پا­لىق كونستيتۋتسيالىق مۇرانىڭ باس­تى قاعيدالارىنا ساي كەلەدى ءجا­نە مەملەكەتتى باسقارۋ جۇيەسىن دە­مو­كراتيالاندىرۋ جولىنداعى ما­ڭىزدى قادام بولىپ تابىلادى. الەكساندر تاسبولاتوۆ, «ەگەمەن قازاقستان»