دامۋ جولىنداعى باعدارشام
تاۋەلسىز قازاقستان سوڭعى جيىرما بەس جىلدا سوقتىقپالى-سوقپاقسىز قيىر-قيىر سان تاراۋلى جولداردان امان-ەسەن ءوتىپ, ەسەيگەن شاققا شالدىقپاي جەتتى. ماجارستانداعى اتتوبەلىندەي قازاق دياسپوراسى وسىنىڭ بارىنە سىرتتاي كۋا بولىپ, ماڭگىلىك ەلىمىزدىڭ جاسامپاز جەتىستىكتەرىنە شىن جۇرەكتەن قۋانىپ كەلەدى. بيىلعى جولداۋدى نازار اۋدارا وتىرىپ وقىساق, قوعامنىڭ بارلىق سالاسىن قامتىعان. وعان اتسالىسۋ, ەلدەگى جانە شەتتەگى قازاقستاندىقتاردىڭ پارىزى. ەلباسى بۇل جولداۋىندا تاتۋلىق پەن تۇراقتىلىقتىڭ ەل دامۋىندا ماڭىزى زور ەكەندىگىن باسا ايتىپتى. ءبىز قازاقستانداعى تاريحي بىرتەكتىلىك پەن تاتۋلىقتى ساقتاۋعا ءوز ۇلەسىمىزدى قوسىپ, وسى باعىتتاعى جۇمىستاردى ناسيحاتتايمىز. اسىرەسە, جولداۋداعى 5 باسىم باعىتتى جۇزەگە اسىرۋعا ءۇن قوسامىز. ەلباسىمىز وسى ستراتەگيالىق قۇجاتىندا عىلىمنىڭ دامۋىنا ىلەسۋ, جاھاندىق باسەكەگە قابىلەتتى بولۋ, تىڭ جاڭالىقتار اشۋ قاجەتتىگىن اتاپ كورسەتكەن ەكەن. ماجارستانداعى قازاق دياسپوراسى قازاقستانداعى بارلىق ساياسي وزگەرىستەر مەن جاڭاشىلدىقتاردى قالت جىبەرمەي باقىلاپ كەلەدى. سوندىقتان ەلباسى جولداۋىنىڭ تاۋەلسىز وتانىمىزدىڭ دامۋ جولىنداعى باعدارشام بولارىنا كامىل سەنەمىز. وڭايشا ماقسۇمقىزى ماندوكي, تۇركىتانۋشى ماجارستان, بۋداپەشتجاس ەل ءۇشىن جاقسى نىشان
ساياسي بيلىكتى قايتا ءبولۋ ول ارقاشاندا قوعامدى دەموكراتيالاندىرۋ جولىنداعى وڭ قادام بولىپ تابىلادى. پرەزيدەنتتە جيناقتالعان بارلىق ساياسي بيلىكتى پارلامەنتپەن جانە ۇكىمەتپەن ءبولىسۋ قازاقستان سياقتى ايتارلىقتاي جاس ەل ءۇشىن دەموكراتيانى دامىتۋ جولىندا ەلدىڭ ىلگەرىلەپ كەلە جاتقاندىعىن بىلدىرەتىن وڭ بەلگى بولىپ تابىلادى. بۇل تاريحي شەشىمنىڭ حالىقارالىق قوعامداستىقتىڭ ەلگە دەگەن سەنىمىن ارتتىرا تۇسەتىنى انىق. ناتيجەسىندە, قازاقستاننىڭ الەمدىك ارەناداعى بەدەلى مەن ساياسي ءيميدجى دە ودان ءارى كوتەرىلەتىنى ايتپاسا دا تۇسىنىكتى. نەعۇرلىم قۋاتتى پارلامەنت پەن جاۋاپكەرشىلىگى جانە وكىلەتتىلىگى كەڭەيتىلگەن ۇكىمەت قىزمەتى قازاقستان حالقىنىڭ مۇددەسى ءۇشىن ودان ءارى ءتيىمدى بولادى. مەن قازاقستانعا اتالعان رەفورمانى جۇزەگە اسىرۋدا ساتتىلىك تىلەيمىن. گۋگۋنگ گۋميلار, دەموكراتيا جانە ءبىلىم بەرۋ ينستيتۋتىنىڭ قۇرىلتايشىسى/اتقارۋشى ديرەكتورى, (يندونەزيا)
