كەڭەس وتىرىسى ءوتتى

كەشە پرەمەر-مينيستر باقىت­جان ساعىنتاەۆ ەكونوميكالىق ىنتى­ماقتاستىق جانە دامۋ ۇيىمىمەن (ەىدۇ) ءوزارا ءىس-ارەكەت جونىندەگى كەڭەستىڭ كەزەكتى وتىرىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىس بارىسىندا مەملەكەت باسشىسىنىڭ «قازاقستاننىڭ ءۇشىن­شى جاڭعىرۋى: جاھاندىق باسەك­ەگە قابىلەتتىلىك» اتتى جولداۋىندا كورسەتىلگەن, ۇزدىك تاجىريبەلەر مەن ەىدۇ ۇسىنىستارىن ەنگىزۋ جونىندەگى تاپ­سىر­مالارىن ىسكە اسىرۋ اياسىنداعى ىنتىماقتاستىقتى نىعايتۋ ماسەلەلەرى تالقىلاندى. بۇدان وزگە, كەڭەس ەىدۇ جۇمىس ورگاندارىنا قاتىسۋ دەڭگەيىن ارتتىرۋ جونىندەگى ارەكەتتەر جوسپارىن, سونىمەن قاتار, ىنتىماقتاستىقتىڭ ەلدىك باع­دارلاماسىن ىسكە اسىرۋ ماسەلەلەرىن قاراستىردى. * * * وسى كۇنى پرەمەر-مينيستر باقىت­جان ساعىنتاەۆتىڭ توراعالىعىمەن ينۆەستيتسيالىق احۋالدى جاقسارتۋ كەڭەسىنىڭ كەزەكتى وتىرىسى ءوتتى. كەڭەس قاتىسۋشىلارى قازاقستان­دا ينۆەستيتسيالىق احۋالدى جاقسارتۋ ماسەلەلەرى بويىنشا, سونىڭ ىشىندە جەرگىلىكتى قامتۋ الەۋەتىن ارتتىرۋ, شەت ەلدەن جۇمىس كۇشىن تارتۋ ءراسىم­دەرىن جەتىلدىرۋ, سونىمەن قاتار, قۇرى­لىس جانە جوبالاۋ سالالارىندا ليتسەنزيالاۋ جونىندەگى ۇسىنىستاردى تالقىلادى.