77 700 شيدەن ءتاج-ماحال ماۆزولەيىن جاسادى

وسىدان 6-7 جىل بۇ­­رىن تالدىقور­عان قا­لاسىندا تۇراتىن ايبەك باۋىر­جان­ ۇلى ورتا مەكتەپتى ءبىتىرىپ, ار­حي­تەكتۋرا ينستيتۋتىنا قۇجاتتارىن تاپ­سىردى. الايدا, بۇل ماماندىقتى قالاعانداردان شىعار­ما­شىلىق جۇمىس تالاپ ەتىلەدى ەكەن. ونداي جۇمىس ايبەك­تە بولماي شىقتى. ءلاج جوق, كو­­كەيىندەگى ارحيتەكتور بولسام دەگەن ارمانىن ما­شينا جاساۋ ماماندىعىنا ايىرباستاپ, ق.ساتباەۆ اتىنداعى قازۇتۋ-دىڭ ستۋدەنتى اتاندى. بىراق قا­لاي دا ارحيتەكتور بولام دەگەن ماقسات ونى ستۋدەنتتىك شاقتىڭ ال­عاش­قى كۇ­نىنەن شيدەن مەشىت جاساۋ ىسىنە الىپ كەلدى. جاسار ءىسىنىڭ ۇلگىسى رە­تىندە الەمنىڭ ايگىلى كەرەمەتتەرىنىڭ ءبىرى, ءماڭ­گىلىك ماحاببات سيم­ۆولى بولىپ سانالا­تىن ۇندىستانداعى ءتاج­-ما­حال كەسەنەسىن ال­دى. بۇل ايتۋعا وڭاي بول­عا­نىمەن, شەبەرلىكتى, ءىز­دەنىمپازدىقتى, ەڭ اقىرى كوز مايىن تا­ۋى­سىپ وتىرىپ جۇ­مىس ءىس­تەۋدى تالاپ ەتە­تىن ەدى. ال­عاشقى جۇ­مىس­تارى ءسات­سىزدىككە ۇشى­­راعان كەز­دەرى كوپ بولدى. بىراق ايبەك ال­­عان بەتىنەن قايت­پا­­­دى, توزىمدىلىك پەن شە­بەرلىكتى قاجەت ەتەتىن ما­شاقاتتى جۇمىسقا ءتورت جىلىن ارنادى. ءنا­تيجەسىندە, العاشقى ار­حيتەكتۋرالىق جۇ­مى­­سى ومىرگە كەلدى.بي­­­ىكتىگى 85 سم, اۋدانى 120ح120 سم بولاتىن شيدەن جاسالعان مۇسىلمان ونەرىنىڭ مارجانى «ءتاج­-ماحالدى» اياقتاپ شىق­تى. وعان 77 700 ءسى­رىڭ­كە ءشيى جۇ­م­سالدى. جو­عارى سۋ­رەتتەگى كورەر كوز­گە كەمشىلىكسىز تۇر­عى­زىلعان شي-سارايدىڭ سالتاناتىنا قاراتا سىن ايتۋ تىپتەن دە مۇمكىن ەمەس سەكىلدى. بۇگىندە ايبەك وقۋىن ءبىتىرىپ, ديپلومىن قو­لىنا العان جاس مامان. قىزمەت ىستەيدى. قازىر ول استانامىزداعى «ازىرەت سۇلتان» مەشىتىنىڭ ما­كەتىن جا­ساۋ­دى ويى­نا الىپ, دايىندىق جۇ­مىس­تارىن جاساۋدا. ءسوز سوڭىندا مى­نا ءبىر ماسەلەگە وقىر­مان­داردىڭ نازارىن اۋ­دار­عىمىز كەلەدى. بۇل كۇندەرى الەمنىڭ 23 ەلى­ندە ارنايى رەداكتسياسى مەن وكىلدىكتەرى بار گيننەستىڭ رەكوردتار كىتابى دۇنيە ءجۇزى بويىنشا 100 مەملەكەتتە 23 تىلدە باسىلادى ەكەن. بۇل كىتاپقا ەنگىسى كەلگەن رەكورد جاساۋشى ادامنىڭ جاس مولشەرىنە شەكتەۋ جوق. ەرەجە بويىنشا, جاسالعان رەكو­ر­دتى ۆيدەوعا ءتۇسى­رىپ, مونتاجداماي كىتاپتىڭ رەداك­تسياسىنا جىبەرۋ كە­رەك. رەكورد جاسار الدىندا گيننەس كى­تا­بىنىڭ ار­نايى كوميسسياسىن دا شاقىرۋعا بو­­لادى. بىراق كوميسسيانىڭ كە­لۋ جولىن, تاماعىن ءجا­نە جاتار ورنىن شا­قىرۋشىلار تولەۋى ءتيىس دەپ جازىلعان. ولاي بولسا, جاس ماماننىڭ وسى ءبىر كەرەمەت تۋىندىسىن نەگە الەمگە ايگىلى كى­تاپقا ۇسىنباسقا. ول ءۇشىن قالتالى ەل ازا­مات­تارى قولۇشىن بە­رىپ, ارنايى كوميسسيا ءمۇ­شەلەرىن شاقىرتۋعا كەتەتىن شىعىنداردى كو­تەرىپ السا, نۇر ۇستىنە نۇر بولار ەدى.