اقتوبەدە كوتتەدجدەر قالاشىعى سالىنادى

«نۇرلى جەر» باعدارلاماسى اياسىندا اقتوبەدە كوتتەدجدەر قالاشىعى سالىنادى. بيىل جوبالىق جۇمىستارعا 130 ميلليون تەڭگە ءبولىندى, دەپ حابارلايدى قازاقپارات. اقتوبەدە «نۇرلى جەر» باعدارلاماسى اياسىندا تەز تۇرعىزىلاتىن تۇرعىن ۇيلەر سالۋ پيلوتتىق جوباسى ازىرلەنىپ جاتىر. بيىل بۇل جۇمىستارعا 130 ميلليون تەڭگە ءبولىندى. جوسپار بويىنشا 500 تۇرعىن ءۇي سالىنادى. ءبارى كوتتەدج بولادى. «ەگەر جوسپار ورىندالسا, «نۇر اقتوبە» ىقشام اۋدانىندا كوتتەدجدەر سالىنادى. شامامەن 500 تۇرعىن ءۇي سالىنىپ, قۇرىلىسقا قاجەتتى مەتاريالدىڭ 90 پايىزى جەرگىلىكتى جەردەن ساتىپ الىنادى. بۇل جەر كەزەگىن ازايتۋعا باعىتتالعان جۇمىس. مەملەكەت جەر تەلىمى كەزەگىندە تۇرعان ازاماتتارعا ءۇي سالىپ بەرىپ, «تۇرعىن ءۇي قۇرىلىس جيناق بانكى» ارقىلى نەسيە راسىمدەيدى. بۇل حالىقتىڭ باسپانامەن قامتۋدىڭ جاڭا ءادىسى. ءساتىن سالسا, وسى جىلدىڭ العاشقى توقسانىندا جوبا دايىن بولادى»,- دەدى وبلىستىق قۇرىلىس, ساۋلەت جانە قالا قۇرىلىسى باسقارماسىنىڭ باسشىسى سەرىك تولەنبەرگەنوۆ. ايتا كەتەيىك, تۇرعىن ءۇي اۋماعى 83 مىڭ شارشى مەتر بولادى. جوبا 2017-2018 جىلدارى جۇزەگە اسۋى ءتيىس.