وعان ەقدب-نىڭ قازاقستان بويىنشا ديرەكتورى دجانەت حەكمان مەن ينفراقۇرىلىم جونىندەگى بيزنەس-توپتاردىڭ اتقارۋشى ديرەكتورى توماس مايەر قاتىستى. قىزىلوردا وبلىسىنىڭ اكىمى قىرىمبەك كوشەرباەۆ ەۋروپا قايتا قۇرۋ جانە دامۋ بانكى پرەزيدەنتىنە, قر پرەزيدەنتى جانىنداعى شەتەلدىك ينۆەستورلار كەڭەسىنىڭ تەڭ توراعاسى سۋما چاكروبارتي مىرزاعا جانە ايماق ءۇشىن ماڭىزدى ينفراقۇرىلىمدىق جوبالاردى ىسكە اسىرۋعا قولداۋ كورسەتكەنى ۇشىن بانكتىڭ وزگە دە وكىلدەرىنە العىسىن ءبىلدىردى.
"ەۋروپا قايتا قۇرۋ جانە دامۋ بانكىنىڭ قولداۋىمەن وبلىستىڭ ينفراقۇرىلىمىن دامىتۋ ماسەلەلەرى ءبويىنشا بىرىنشى كەزەكتەگى اۋقىمدى شارۋالار اتقارىلۋدا. جالپى سوماسى 121 ملن. اقش دوللارىن قۇرايتىن 5 نەسيەلىك كەلىسىم جاسالدى (40,2 ملرد تەڭگە). جالپى العاندا 400 ملن اقش دوللارىنا تەڭ (133 ملرد تەڭگە) 9 جوبانى بىرلەسىپ جۇزەگە اسىرۋ تۋرالى كەلىسىم جاسالدى", - دەدى وبلىس اكىمى.
قىرىمبەك كوشەرباەۆ ەۋروپا قايتا قۇرۋ جانە دامۋ بانكىنىڭ قازاقستان بويىنشا ديرەكتورى دجانەت حەكماننىڭ ەڭبەگىن ەرەكشە اتاپ ءوتىپ, ونى قىزىلوردا وبلىسىنىڭ قۇرمەت گراموتاسىمەن ماراپاتتادى. ءوز كەزەگىندە دجانەت حەكمان حانىم ايماق باسشىلىعىنا جەمىستى ارىپتەستىك ءۇشىن العىسىن ءبىلدىرىپ, جۋىردا كايرگە (ەگيپەت) قونىس اۋداراتىنىن ايتتى. "بۇگىن قىزىلوردا اۋەجايىنا تابانىم تيگەن ساتتە وسىدان 4 جىل بۇرىن كەلگەن كەزىم ەسىمە ءتۇستى. قىزىلورداعا ار كەلگەن سايىن وڭ وزگەرىستەردى كورەمىن: جاڭا جولدار, زاماناۋي اۆتوبۋستار, مەكتەپتەر مەن اۋرۋحانالار. قىزىلوردا وبلىسى ەۋروپا قايتا قۇرۋ جانە دامۋ بانكىمەن بىرلەسكەن جوبالاردى جۇزەگە اسىرۋدا وزگە وڭىرلەرگە ۇلگى بولىپ وتىرعان بىردەن-بىر ايماق", -دەدى حەكمان.
