• 23 اقپان, 2017

وقو-دا ينتەنسيۆتى باق 8 مىڭ گەكتارعا ۇلعايتىلادى

161 رەت

كورسەتىلدى

1 مين

وقۋ ءۇشىن

Egemen Qazaqstan

اگرارلى ايماق بولىپ تابىلاتىن - وڭتۇستىك قازاقستان وبلىسىنىڭ ەگىس كولەمى وسى جىلى 72,4 مىڭ گەكتارعا ۇلعايتىلىپ, 861 مىڭ گا جەتكىزۋ جوسپارلانۋدا. سونىمەن قاتار, وڭىردە ينتەنسيۆتى باۋ, جىلىجاي, جاڭعاق شارۋاشىلىقتارىن دامىتۋ جۇمىستارى دا بەلسەندى تۇردە جۇرگىزىلەتىن بولادى. ماسەلەن, قازىعۇرت, تولەبي, سايرام اۋداندارىندا قارقىندى الما مەن جاڭعاق باۋلارىن, ال شىمكەنت قالاسى مەن سارىاعاش اۋدانىندا جىلىجاي كەشەنى اگروايماقتارىن قوسۋ كوزدەلۋدە. ءداستۇرلى باۋلاردان ورتاشا گەكتارىنا 5-10 توننا ءونىم الىنسا, ينتەنسيۆتى باۋلاردان 50-60 توننا ءونىم جيناۋعا مۇمكىندىك بار. وسىنى ەسكەرگەن ديقاندار جاڭا تەحنولوگيا بويىنشا باۋلاردى كوبەيتۋدى كوزدەر وتىر. ياعني, وسى جىلى ينتەنسيۆتى باۋلاردىڭ كولەمى 8 مىڭ گا ۇلعايسا, جاڭعاق كوشەتتەرى 2,5 مىڭ گا ەگىلەتىن بولادى. ال, جىلىجايلار قوسىمشا 1 177 گا سالىنىپ, 2 300 گا جەتەدى. سونىمەن بىرگە تامشىلاتىپ سۋعارۋ ءادىسى 44 مىڭ گا ەنگىزىلەدى. وسى اتقارىلاتىن جۇمىستاردىڭ ناتيجەسىندە اۋىل شارۋاشىلىعىنىڭ جالپى ءونىم كولەمى 1,4 ەسەگە ارتىپ, 624 ملرد. تەڭگەگە, ەكسپورتتىڭ ۇلەسى 22 پايىزدان, 35%-عا كوتەرىلەدى دەپ جوسپارلانۋدا.