باستى باعدار – وزىق ستاندارتقا ساي بولۋ

استاناداعى نازارباەۆ ۋنيۆەرسيتەتتە ەكونوميكالىق ىنتىماقتاستىق جانە دامۋ ۇيىمى جۇرگىزگەن تالداۋ-ساراپتاۋ ەسەپتەرىنە ارنالعان سەمينار ءوتتى. بۇل ەسەپتەر اتالعان ۇيىمنىڭ قازاقستانداعى مەملەكەتتىك باسقارۋ جۇيەسىنە قاتىستى باعدارلاماسى شەڭبەرىندە دايىندالعان. ەىدۇ ەلىمىزدەگى مەملەكەتتىك باس­قارۋ جۇيەسىنە «گەندەرلىك ساياساتقا شو­لۋ», «اشىق ۇكىمەت», «قازاقستان رەس­پۋب­لي­كا­سىنداعى مەملەكەتتىك باسقارۋ رەفورما­سى: اناعۇرلىم ءتيىمدى, ستراتەگيالىق ءجا­نە جاۋاپكەرشىلىگى مول مەملەكەت قۇ­رۋ جو­لىندا» جانە «مىندەتتەر مەن رە­سۋرس­تاردى جاۋاپكەرشىلىكپەن ءبولۋ: ورتا­لىق­سىزداندىرۋ جانە قازاقستان رە­س­پۋب­ليكاسىنداعى كوپ دەڭگەيلى مەملەكەتتىك باس­قارۋ» سىندى 4 نەگىزگى باعىت بويىنشا باعا بەرگەن. جيىنعا قاتىسقان سالا مامان­دارى ەكونوميكالىق ىنتىماقتاستىق ءجا­نە دامۋ ۇيىمىنىڭ ەسەپتەرىنىڭ اياسىندا مەم­لەكەتتىك باسقارۋدىڭ ساپاسىن كوتەرۋ, ورتا­لىق جانە جەرگىلىكتى ورگانداردىڭ ءتيىم­دىلىگىن ارتتىرۋ, ەل دامۋىنا قا­جەتتى سترا­تەگيالىق مىندەتتەرگە قول جەت­كىزۋ ءتو­ڭىرەگىندە اۋقىمدى جۇمىستار ات­قا­رىلع­ا­نىن جەتكىزدى. ماسەلەن, جيىندا ءسوز العان قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى ەلەنا تاراسەنكو ەۋروپا ەل­دەرى قوعامدى دەموكراتيالاندىرۋ جولىن­دا بىرنەشە كەزەڭدى باستان وتكەرگەنىنە, ياعني مىقتى دەموكراتيالىق قوعامدى قالىپتاستىرۋ ءۇشىن كوپ ۋاقىت قاجەت بول­عانىنا توقتالدى. «تاۋەلسىزدىكتىڭ شي­رەك عاسىرى ىشىندە ەلدى الەۋمەتتىك-ەكو­نوميكالىق جاعىنان جەدەلدەتە دامىتۋ ۇدەرىسى جۇرگىزىلدى. وعان ەلباسىنىڭ بيىلعى جولداۋى مەن ۇندەۋى دە دالەل بولا الادى. ەگەر, قازاقستان مەن ەىدۇ ارىپتەستىگىنە كەلەر بولساق, ءبىر عانا گەن­دەر­لىك ساياسات سالاسىندا اتقارىلعان جۇ­مىستاردى ايتساق تا جەتكىلىكتى بولار. ۇلتتىق كوميسسيانىڭ اتالعان ۇيىم­مەن ىنتىماقتاستىق ورناتۋى ەىدۇ-عا ءمۇ­شە ەلدەردىڭ گەندەرلىك سايا­سات سالا­سىن­دا­عى دەڭگەيلەرى مەن ستاندارت­تا­رى­نا جا­قىنداۋعا باعىتتالعان ءبىزدىڭ سترا­تە­گيالىق مىندەتتەرىمىزگە ساي كەلەدى. بۇل رەت­تە, ەلىمىز ەىدۇ ەلدەرىنىڭ ءتاجى­ري­بە­سىن, مىقتى ساراپشىلىق الەۋەتىن, زاما­ناۋي ءادىس-تاسىلدەرىن نەگىزگە الا وتىرىپ, قازاقستاننىڭ گەندەرلىك ساياساتىن دا­مىتۋعا ايرىقشا نازار اۋدارىپ وتىر», – دەدى ول. ۇلتتىق ەكونوميكا ۆيتسە-ءمينيسترى ءما­دينا ابىلقاسىموۆا مەملەكەتتىك باس­قارۋ جۇيەسىن رەفورمالاۋ الەمدىك ستان­دارت بويىنشا جۇرگىزىلەتىنىن ايتتى. «قازاقستانداعى اكىمشىلىك رەفورما­لار­دى تەرەڭدەتۋ ءۇشىن مەملەكەت باسشىسى بيلىك تارماقتارى اراسىندا وكى­لەتتىكتەردى ءبولۋ تۋرالى ەل ازاماتتا­رىنا ۇندەۋ جاريالادى. بۇل رەفورما – ءبىز­دىڭ قوعامدى دەموكراتيالاندىرۋ جو­لىن­دا­عى كەزەكتى قادام. بىرىنشىدەن, بۇل – ۇكى­مەتتى جانە پارل­امەنتتىڭ باقىلاۋ فۋن­­كتسياسىن كۇ­شەي­تۋ. ەكىنشىدەن, پار­لا­مەنت پەن ۇكى­مەت اراسىنداعى ءوزارا ىق­پال­داستىقتى جاق­سارتۋ ارقىلى ولاردىڭ ەل تۇر­عىن­دارىمەن, سايلاۋشىلارمەن جانە بيلىك ور­گاندارىمەن اراداعى كەرى بايلانىسىن كۇشەيتۋ», – دەي كەلە, ول بۇلاردىڭ بار­لى­عى ەىدۇ ستاندارتتارىنا تولىق ساي كەلەتىنىن اتاپ ءوتتى. ەىدۇ-نىڭ مەملەكەتتىك باسقارۋ ءجا­نە اۋماقتىق دامۋ ماسەلەلەرى جونىندەگى دە­پارتامەنتىنىڭ اعا ساياسي ساراپشىسى تاتيانا تەپلوۆا ۇيىم مەن قازاقستان اراسىندا ەكونوميكا مەن دامۋ باعىتىندا تى­عىز ىنتىماقتاستىق ورناعانىن جەتكىزدى. «ءبىز­دىڭ جۇمىسىمىز, اسىرەسە, مەملەكەتتىك با­س­قارۋ سالاسىندا كەزدەسەتىن وزەكتى دە تۇيتكىلدى ماسەلەلەرگە باعىتتالدى. ونىڭ ىشىندە ۇكىمەتتىڭ اشىقتىعى, كوپ دەڭ­گەي­لى مەملەكەتتىك باسقارۋ, قازاقستان ۇكى­مەتىن ءتيىمدى جانە ترانسپارەنتتى ەتۋ, گەن­دەرلىك تەپە-تەڭدىكتى ساقتاۋ سەكىلدى تە­تىكتەر ساراپتامالىق ەسەپتەرىمىزگە وزەك بول­دى. بۇل ەسەپتەر 2012 جىلى ەىدۇ-نىڭ قازاقستانداعى مەملەكەتتىك باسقارۋ جۇيە­سىنە قاتىستى باستاعان جۇمىسىنىڭ زاڭدى جالعاسى ىسپەتتى. ال ءدال قازىرگى تاڭدا ءبىز قازاقستان مەن ۇيىم اراسىنداعى ۇزاق جىلعى ارىپتەستىكتىڭ بەلگىلى ءبىر وڭ ءنا­تيجەسىن كورىپ وتىرمىز», – دەدى ءوز ءسو­زى­ندە ت.تەپلوۆا. ونىڭ ايتۋىنشا, قا­زا­ق­ستان اناعۇرلىم زاما­ناۋي مەملەكەت, جاڭار­تىلعان مەملەكەتتىك قىزمەت جۇيە­سىن قۇرۋ جولىندا ماڭىزدى قادامدار جا­ساپ كەلەدى. بۇل كۇنگى وتىرىستا ءسوز سويلەگەن مەم­­لەكەتتىك قىزمەت سالاسىنداعى ءوڭىر­لىك حاب باس­قارۋشى كوميتەتىنىڭ ءتو­را­عا­سى ءاليحان بايمەنوۆ الەمنىڭ جە­تەك­­شى 35 مەملەكەتىنىڭ باسىن قوسىپ وتىر­­­عان ەكونوميكالىق ىن­تى­ماق­تاس­تىق جانە دامۋ ۇيىمىنىڭ, ونىڭ ما­مان­­دارىنىڭ تاجىريبەسىنىڭ نە­گى­ز­ىندە جا­­سال­عان ۇسىنىستار ەلدىڭ ءال-اۋقاتىن جاق­­­سارتۋعا, ۇكىمەت پەن مينيستر­لىك­تەر­دىڭ, اكىمشىلىكتەردىڭ جۇمىسىن جان­دان­­دى­­رۋعا وڭ ىقپالىن تيگىزەتىنىنە سە­نىم ءبىل­­دىردى. «جالپى, كەز كەلگەن سترا­تە­گيا­لىق جوسپاردىڭ شىن مانىسىندە, سايا­­سي قۇجاتقا اينالۋىنا كۇش سالۋ قا­جەت. سو­نىڭ ناتيجەسىندە, وعان ماسەلەن, ميني­ستر­لىك­تەردىڭ قىزمەتى نەگىزدەلۋى ءتيىس», – دەدى ءا.بايمەنوۆ. ءلايلا ەدىلقىزى, «ەگەمەن قازاقستان»