قوستاناي اۋدانىنىڭ سادوۆىي سەلوسىندا تۇراتىن زەينەتكەر مۇحامەدقالي اسقاروۆ شاڭعىمەن ءۇش كۇندىك ساپارعا شىقتى. ول بۇل جولى قوستاناي قالاسىنان فەدوروۆ اۋدانىنىڭ ورتالىعىنا بارادى, ەكى ورتا 80 شاقىرىم جەر. 70 جاستاعى ارداگەر بۇل جولدى ءۇش كۇندە ءجۇرىپ ءوتۋدى جوسپارلادى.
قوستانايدا بۇل كۇندەرى التىن كۇرەك سوعىپ, جىلىمىق بولىپ تۇرعانىمەن جەل وتە كۇشتى. قاريا سونىڭ بارلىعىنا شىدايتىنىنا سەنىمدى. ول 1971 جىلدان شاڭعىمەن اينالىسادى. ول اۋا رايىنان دا, جولدىڭ الىستىعىنان دا قورىقپايتىنىن, دەنساۋلىعىنا سەنىمدى ەكەنىن ايتتى.
«ءوزىم فەدوروۆ اۋدانىندا تۋىپ-ءوستىم, ول مەنىڭ كىشى وتانىم. مەن جۇرەتىن جولدىڭ رەسپۋبليكالىق ماڭىزى بار, قازاقستان مەن رەسەيدى جالعاستىرادى. وسى جولى دا ەلدى مەكەندەردەگى مەكتەپتەر ديرەكتورلارىمەن كەلىستىم, وقۋشىلارعا سپورتتىڭ, دەنەشىنىقتىرۋدىڭ ماڭىزى جونىندە اڭگىمەلەيتىن بولامىن» دەيدى قاريا.
ەسكە سال كەتسەك, مۇحامەتقالي اسقاروۆ جاڭا جەل مەرەكەسىندە 105 شاقىرىم بولاتىن اۋليەكول اۋدانىنا ءۇش كۇندە شاڭعىمەنجەتكەن بولاتىن. ول تۋرالى «ەگەمەن» وقىرماندارىن حاباردار ەتكەن بولاتىنبىز. قاريانىڭ بۇل جولعى ساپارى دا جەڭىل بولمايدى. ول كۇنىنە شاڭعىمەن 30 شاقىرىمدى الىپ وتىرۋدى جوسپارلاپتى.
شاڭعىشى وزىمەن بىرگە قوسىمشا جىلى كيىم, شۇجىق, نان, تەرموسقا ليمون قوسىلعان ىستىق شاي سالىپ الىپتى. سونىمەن قاتار ءبىر ارتىق شاڭعى دا العان. ارداگەر شاڭعىشى قوستانايدان ءجۇرىپ كەتتى, الدىنان سوققان جەلدى تەك ونىڭ جىگەرى عانا جەڭەتىن بولادى.
ءنازيرا جارىمبەتوۆا,
«ەگەمەن قازاقستان»
سۋرەت ng.kz سايتىنان الىندى
